Satèja la njata kèja ḍă' para morèd sabăbbhă è kennengngan sè bănnja' rabăna tanto bănnja' rengngè'na; sarta ijă ngartè, djhă' rengngè' rèja atellor è aèngnga patjarrèn otabă è barabă. Tellorra talèbǎt kènè'na, ta' ètangalè mon tjoma èabas kalabăn mata bhăi. Tellor djărèja teḍḍhăs dhăddhi ola' entèng, sè pas asanolotan dhăddhi rengngè'.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Nalèka ghoeroena atjarèta, kalamon orèng èkèkkè' rengngè' rèja
băḍă sè pas sakè' ghoemèghil, rèd-morèd ijă ngartè marghana è kennengngan sè bănnja rabăna bănnja' kèja orèng sè sakè' ghoemèghil.
Arè kalagghoeǎnna ghoeroe djărèja nolès pangadjhǎrăn matja è papan tolès ollè njalèn dari sorat kabhăr, sè èkèra morèddhǎ ngartè ka kareppa pangadjhărăn djǎrèja. Monjèna akanța è băbă arèja.
,,Bhăb panolakka panjakè' ghoemèghil malaria."
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
,,È tong-sèttongnga onder distrik bhăbă distrik Panaroekan èpasangè mantrè malaria, băn orèng è djadija ènjamaè mantrè rengngè'. Kabǎdjhibhǎnna marèksa amè băḍă bhaloembhăng,
lalarèn, soksok sè sembeng, djhămbhărǎn băn tong băddhăna aèng sè ta' ngangghoej kodoeng. Sè lebbi èparloaghi kennengngan sè semma' è ko-bengko otabă è ḍălem pamengkang. Mon ètemmo băḍă, orèngnga èparèntaè nopoè otabă maasat aèngnga bhaloembhăng băn salaenna ghellă' ; djhămbhărăn băn tong băḍḍhăna aèng èsoro pasangè koḍoeng. Bhăloem-
