khăng băn èn-laenna ghella’kennèng kèja èsèram băn mènnja' lantong, ollè mènta ḍă' ka bhekkel otabǎ assis tèn-bădhǎna. Parènta djărèja ètèmpoè, bilă sè marèa.
Kalamon la napa' ka tèmpona, mantrè malaria ghellǎ' ngomisi, anjata'aghi apa parèntana la èlakonè otabǎ belloen. Pa'-sapa'a sè ta' atoro', pas èreppottaghi ka poelisi, tanto èrol."
Bhareng rèd-morèd la marè matja, ghoeroena atanja mongghoe parlona parènta djărèja. Sè ètanjaè ijă pas tao adjhăwăb, sabăb la ngartè ka maksotta, la-mala paḍă kentjeng abhǎnto nopoè otabă maasat otabă abhersè è bhǎloembhăng bán patjarrèn è pamengkangnga.
Sè ngangghit kètab arèja ngarep kèja ḍă' sè paḍă matjatjarèta arèja, sopadjă abhăntoa parèntana naghără, sè njopprè kasalamettan akanța sè kasebbhoet bhoeroe.
14. Orèng Tengger.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Apa sè ètegghoe' djărèja, Li?" Ḍa'bărijă patanjana Achmad ḍǎ' Ali bǎktona na'kana' morèd laot. Nalèka djǎrèja Ali ta èn-maènan bǎn tja-kantjana, tapè todjoe' njandar è bhoengkana
mèmblă è pamengkangnga sakola'an. Ali atolè ka Achmad pas njaot: ,,Tèngghoera ghămbhăr arèja, Mad," sè ngotja' ḍǎ'bărijă sambi adjhoeloeăghi kartoe pos sè aghǎmbhăr. Achmad nampanè ladjhoe ètèngghoe. È kartoe pos
