sèttong pakarangan lèbar èpaddhegghi bengko bǎnnja', bădă sè kènè' bădă se radjă, bhǎngonna ijă nè-bǎnnèan.
Djoesoep bǎn eppa'na alèbădhi tana parebbhă'ăn, sè èator băn èomessè tjè' pernana, pas napa' è bengkona towan Dirèktoér. E djadija Pa'na Djoesoep mènta èdhi maso'a. Towan Dirèktoérra èsak sarta ella sarmo băn
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Pa'na Djoesoep, sabab la segghoet èntar sakandja. Pamèntana èèdhinè, la-mala bhoenga, amarghă bădă sè njapota Achmad, otja'na:
,,Dhika pas èntar bhai ka los kennengnganna orèng alalakon, ghi; Achmad bădă è ko'issa."
Eppa'na Djoesoep ngotja' èngghi sarta kaso'on, ladjhoe adjhălăn abhǎreng ana'na, lebat è lorong kènè' sè èamparè balikèr, adjhoedjhoek da' los bhoeroe.
Kala djǎrèja arè la tèngghi; è lowar hawana panas,
