,,Ponapa kèngèng kaoelǎ nèngalè ka'kassa?"
,,Ollè, tjong," otja'na eppa'na: ,,sèngko' segghoet kèja èntar nèngghoe ḍǎ' ǎssa."
,,Ḍări ponapa sè èkabhadhi sèk-osèkka soko ghǎpanèka?"
,,Elloe', ḍǎgghi' bǎ'na tao dhibi'; èkaghabǎj ḍări seppet bǎn eddhoek. Partjadjă ?"
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Djoesoep: ,,Ponapa kantos ollè bănnja' sè abhǎḍhi karandjhăng sareng èn-laènna bhǎrăng ghǎpanèka, pa'?"
,,Kèrana bă'na bărǎmpa? mara taksèr!"
,,Kadhiǎ palèng bănnja' saèboe."
,,Bă'na la tao dhibi', karandjhăngnga atjem-matjem; arèja sè radjă, karandjhăngnga areng băto, èangghoej è tapsioén, pangangko'anna areng sè èossaja ka messin; sataonna aghăbăj 8000. Arèja sè nè'-kènè', èangghoej baḍhăna dhaloebăng băn băḍḍhana kembhăng, sataonna aghăbăj napa' 1500. Djǎrèja kabbhi èdjhoewǎl, padjoena dhoengkap f 7500, etarèma băn towan Dirèktoér."
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
,,Manabi sapanèka lekkas soghi towanna."
,,Ijă mon pèssèna èkala' dhibi'. Bă'na taoa, Soep, orèng sè padă ta' nangalè sabărijă bănnja'na djărèja aengghoen è ḍinna' kakabbhi, èèngone băn èangghoeji par tjoma, la-mala ghi' ollè persèn; molana ta' sakone' bărǎghǎddhǎ.
