dicar to pri EP., ante ke on santigis la Fundumento. Ni savas anke, ke ES. bezonas la lecioni di l’ uzado e di la sperienco por perfektijar; sed EP. anke bezonis ta lecioni, e ne volis profitar per li. To esas la max granda difero inter la du « dialekti », quale dicas juste nia samideano. Por montrar, ke ni ne timas la kritiki, ni citos la kritiketo, quan So Avilov prizentas a ni samltempe : « Fotograf-ero, cikl-ero maltaŭgas kaj tute superfluas ».
Rimarkez, ke ni ne uzas ciklo en sportal senco : ni uzas biciklo, bicikleto, e c.
So Peus, nia konocata germana samideano, qua spontane adoptis ES. e propagas ol entuziasme[1], skribis a germana Esperantisto, min progresema, letro ek qua ni extraktas la sequanta interesanta linei :
« Nia imprimeyo ne povas editar vua vortari, pro ke ol ne posedas la literi signizita. Ed ol ne devas editar libri e libreti, quin ne aprobis la konsilantaro di la laboristi.
« … (ES.) ne esas nuva sistemo, esas sistemo segun la sama principi sed plu konsequanta, plu facila ed precipue plu bona por la min instruktita laboristi…
« La nuva formo ar por la infinitivo ne plezis ad me komence, sed nun ja me trovas ol tute bona, precipue pro co, ke on povas anke formar ir ed or. Pro ke l’ acento kushas (jacas) sur la lasta silabo, ta formo ne povas konfuzesar kun la finiji a, i ed o, kande on ne parolas precize la r. E por la uzado skribala la finijo esas tam bona ke nulu povas esar kontre olu.
« Kande vu volas aceptar plubonigi? Multe plu bona esas cadie kam morge. Aceptez : 1. ch, sh, j ed y. Co esas posibla quik. 2. la nechanjita adjektivo, esas anke quik posibla. 3. Forigo de la n akuzativa, anke quik posibla. Lor la du formi, da Zamenhof e da Ido, ne esas plu multe diversa.
« Me kredas, ke du lingui internaciona existos kelka tempo… La du ne bezonas esar malamiki. Sed me esas konvinkita, ke la Delegitaro venkos… Me skribas ica nuva formo pos kelka jorni plu facile kam EP. pos monati….
« Anke ne esas justa, ke ti qui lernis EP. perdis sa tempo. Kontre li povas nun bone judikar, pro quo la nuva sistemo esas plu bona ».
E la skribanto repetas, ke ES. esas « efektive multe plu simpla, plu facile lernebla precipue por nia laboristi ». Quale pruvo, il citas a ni letro (en EP.) da suedana laboristo, en qua l’ akuzativo esas ofte… oblivyata, e l’ adjektivo restas sen chanjo.
- ↑ Il editis spontane postkarti por propagar nia linguo (100 peci po 1 mark fr. 1,25 che Arbeiter-Druckerei, Dessau, Askanische Strasse 107.)
