konsilo » (vice la mallogikala vorto EP. interkonsiliĝi). Or on devas sempre pruntar la vorti di la linguo komuna por la linguo ciencala, kande la senco esas vere la sama, por ne igar ica linguo malfacila e malklara sen neceseso a la profani. On vidas, ke quankam nia vortolibri nule pretendas kontenar la teknikala vortaro, li povas furnisar utila indiki a la specalisti pri la teknikala vorti, quin li bezonas.
En no 2 la redaktisto, Dro St. Mikolajski, advokas la helpo e kunlaborado di la medicinisti, montrante, ke li esas per lia profesiono predeterminita amiki di l’ ideo di LI. : « La kuracisto, kies profesiaj devoj kaj okupoj ne konas naciajn, religiajn, rasajn, politikajn, socialajn nek iajn ajn limojn[1], kies oferema amo sin etendas sur chiujn suferantojn sendiference, estas lau sia sento kaj lau sia pensmaniero jam esperantisto, antau ol ellernis la lingvon Zamenhofan ». Hike aparas tute klare la sofismo (ho! tute bonfida e bonvola) kustuma di multa Esperantista propagisti : li pledas por la linguo internaciona generale, e pose… quik konkluzas por la « Zamenhofa linguo ». Li simple oblivyas, ke existas (o povus existar) multa altra LI., e ke la sama argumento povus tam bone aplikesar a Volapük, a Bolak, a Neutral o ad Universal. E ta sofismo esas ankore konfirmata da l’ ideo, quan on konceptis di l’ « interna esenco » di Esperanto, o di « Esperantismo ». Tamen ciencisti, quale esas la medicinisti, ne devas facar tante granda eroro, intermixar la generala ideo kun aparta realigo, e konkluzar de la utileso o neceseso di ula LI. la boneso di un linguo, Esperanto od altra. E por pruvar, ke on devas adoptar la « Zamenhofa linguo » prefere kam altra, on neplu povas uzar la generala argumenti por irga LI.; on devas necese uzar linguala argamenti e pruvar la teorial e praktikala supereso di Esperanto… se ol esas pruvebla.
La redaktisto konfesas ke kelka lektanti mallaudas la uzado di la h vice supersigno, quankam ta remedyo esas permisata e konsilata da la Fundamento (sed existas Esperantisti plu fundamentista kam la Fundamento!) « Nur So Corret… aprobas kaj ech laudas nian aranghon ». Kompreneble! Yen extraktaji di sa letro : « … por praktike montri kaj montradi al la teoriemaj plibonigistoj, senfine serchantaj perfektan alfabeton sen supersignoj, ke en nia Fundamento ni trovas sen ilia helpo chion, kion ni bezonas ». Ni rimarkigos, unesme, ke ni neplu esas « teoriemaj plibonigistoj », nam ni aplikas « praktike » la plubonigo en nia revuo, tute egale kam la Vocho de Kuracistoj aplikas la remedyo di h. Sed esas verajo sakra, ke ni esas ed esos sempre nur teoriisti! Duesme, ni ne « serchas senfine perfekta alfabeto », nam ni trovis ol; o plu juste, Dro Javal trovis ol ante plura yari, ed Ido bezonis nur aplikar ol a
- ↑ On esas pregata lektar laute ca malfelica frazo, ed adjuntar ol a la rubriko : Ofteso di l’ akuzativo en EP. (N. D. L. R.).
