de Courtenay e Couturat : ed il penas distingar logiko matermatikal e logiko estetikal; la duesma sole devus esar aplikata en LI.
So de Wahl respondas fine a So d’Orczy e a So Miller. — Linguala rimarko : la autori uzas, lor distinguition, lor distinguion (same : postulione, e c.) Tala monstra vorti pruvas, ke on ne povas konciliar la « naturaleso », qua esas la idealo di So de Wahl ed altri, kun la regulozeso; vane li adoptas « naturala » finalo -ion, se li aplikas ol reguloze a lia radiki. To esas la sama difekto kam en IN. : proposasion, redaktator, e c. Kad ne esas preferinda uzar finali « neutra », qui ne pretendas imitar sklave la naturala vorti, sed qui nulloke shokas? Distingo, postulo esas tute klara, ed ofensas nulu; same propozo, redaktisto, e c.
So W. Padfield repetas en K. I. la komparo di Esperanto, Ido ed Adjuvanto, per qua Lingvo internacia su amuzis, tute neglijante la vera, sola questiono : Kad Ido esas plu bona kam Esperanto, od ne? A ta diskuto So Miller respondis frapante per ca rimarko : « So de Beaufront lasav Adjuvanto favoru Esperanto en (o ante) 1898[1], ma el studie del derivione par Prof. Couturat, sur kele Ido es bazat, non aparav til 1907; nul altra pruve es bezonat, ke Ido non es Adjuvanto poki chanjat ». Tamen So Miller oblivyas un hipotezo tre versimila, nome, ke la logikal sistemo di derivado, quan So Couturat propozis en 1907, esis ja (grandaparte e principe) aplikita en Adjuvanto. Tala renkontri ne esas malprobabla en ta materyo (la sperienco ol pruvas), precipue inter egale logikema spiriti.
Le Centre Médical (1 Mayo) publikigis letro da So Dro Ad. Nicolas, autoro di Spokil, sub titolo : Linguo internaciona : Sabirismo o Semantismo? On savas, ke Spokil esas un ek la malmulta LI. a priori inventita dum nia yari; e ke ol esis repulsita, quale omna simila lingui, da nia Komitato, qua tamen audis kun intereso la expozo di So Nicotas. L’ autoro defensas kun konvinkeso « la supereso di la semantismo, c. e. di linguo sistematoza, en qua la vorto definas la kozo… ye la sabirismo, sistemo segun qua konstitucesis kelka artificala lingvi o sabiri, quin me tale nomizis per la nomo di la afrikana sabir : To pa vidar bourico andar Kad tu ne vidis asno pasar? » Dro Nicolas adjuntas : « Plu kam 50 yari de studyado di la temo, dum la senfina malnuva navigadi, ed aparte la 14 yari di kompozado di Spokil, igis me neshanceligebla en ta konvinkeso, ke de kande realigesis la programo di linguo richa, flexebla, logikala, belsona e kompleta, en qua la vorto definas la kozo, esas signifikiva, nulu povas enterigar la progreso en la sulko di irga sabir, mem la max bona ». Or il judikas, ke Esperanto estas sabir « de malalta qualeso ».
Ni havas la max granda respekto a l’ autoro de Spokil, a la fervoro nefatigebla kun qua il laboris dum tanta yari por realigar, segun sa opiniono e konvinkeso, la bela ideo di LI. Ex-medicinisto di la
- ↑ Eroro : en 1888.
