ye maniero klara e ne-misinterpretebla la origino di la linguo : Sa bazo e sa principi adoptesis unavoce da omna membri di la Komitato di ciencisti reguloze elektita da la « Delegitaro », e la detali adoptesis da la max multa voti di la Komisitaro elektita da ca Komitato por fixigar la detali. La linguo konseque esas la verko nek di un persono nek di plura personi privata, sed la resultajo finala di la tuta movado konocata sub la nomo di « la Délégation pour l’adoption d’une langue auxiliaire internationale ». Quo esus do plu naturala kam baptar ca linguo Delego?
Fine nur ica rimarko : Ni ne deziras venkar Esperanto, sed ni deziras konvinkar la Esperantisti, ke esas posibla venkar la rezisto di la mondo indiferenta, se ni adoptas la bonaji di Esperanto ed evitas en Esperanto to quo til nun impedis la progreso venkoza di la Linguo Internaciona. Tala esas segun mea opiniono la ideo di la linguo Delego.
Quo esas Esperantismo? Dr Zamenhof penis ol explikar en la famoza Deklaro de Boulogne, max oficiala dokumento kredeble; sed il donis du defini tante diversa, ke quante plu on studyas li, tante min on savas. quo esas Esperantismo. Ni memorigez li texte :
« La Esperantismo estas penado disvastigi en la tuta mondo la uzadon de lingvo neŭtrale homa, kiu « ne entrudante sin en la internan vivon de la popoloj kaj neniom celante ekpuŝi la ekzistantajn lingvojn naciajn », donus al homoj de malsamaj nacioj la eblon kompreniĝadi inter si…. »
Tale definita, la Esperantismo esas simple la agado por establisar un lingvo internaciona generale, irge qua esos ta linguo; to esis ed esas precize la programo e skopo di la
