quale abrejuro di specala helpanta verbo « abar », tale ke : me abis amir me am (ir) abis me amabis, ed me abos amir me am (ir) abos me amabos. On ne judikos to abstruza, se on memoras ke tote analoge la pasivo esas expresata : me esas amata me am (ata) esas me amesas, simile me esis amata me am‑(ata) esis. Tale on havas formuli por kompozita tempi expresanta reala ago ed uzebla analizale e sintezale segun komodeso.
3) On povas anke neglijar ta diferi ed uzar me esas adveninta en la senco di stando e lasar malgre to me esis adveninta signifikar l’antepasinta tempo. Ma en ta kazo esas neevitebla, ke la lasta formo kontenos ula necerteso, shancelanta inter du nuanci. Ton me ne povas rekomendar por nia linguo, ye altra relati preciza. Omnakaze l’Akademio devos facar determinita decido en ica questiono, e la supredicito servos ke lu povos facar to en plena konoco di la kozo.
Ultre to quon me dicis pri nia konjugo, semblas a me ke ofte sentesas bezono di un plusa formo, quan on povas konsiderar quale derivo per sufixo, sen klasigar ol strikte inter la propre-dicita konjugo-formi.
Se me expedias letro, me esas expedianto ma por la ricevonto me esos expediinto, e lu ipsa divenas ricevanto e pose ricevinto. Do se me devas skribar mea qualeso sur la kuverto, me sentas bezono havar formo qua ne nure en ica momento esas korekta, ma konservas sa korekteso, t. e. formo simila a participo ma sen indikar tempo. Ni ja havas simila formi, exemple derivuri per la sufixo ‑isto, ma li signifikas profesiono, mestiero e c. e ne povas uzesar en ica generala senco. Pro to me propozas ‑ero por expresar, sen indikar tempo, ulu qua agis, agas od agos ulo. Do : expediero, editero, elektero, inventero, salvero, e c.
Me mencionis (Progr. II, 660) ca sufixo por altra senco, nome por indikar profesiono, mestiero, e c. Por ica ideo me propozas nune la sufixo ‑ario (etimologiale esence la sama kam ‑ero) segun L. — arius signifikanta tre ofte ta ideo : sagittarius, lignarius, ferrarius, aquarius, vestiarius, exemple : arkivario, bankario, bi-bliotekario, imprimario, e c.[1].
Apud ica du silabi ‑ero ed ‑ario me konservas mea propozi (II, 660) pri ‑isto, ‑ismano, e quon me dicis supere pri ‑anto.
(La sufixon ‑oro me deziras rezervar por formacar verbala substantivi : l’amaro, l’amiro, l’amoro, quin me altraloke ample justifikos). Yen kompleta exemplo segun mea propozi : exportisto ulu
- ↑ To konkordus tre bone kun la propozita ‑erio : imprimerio.
