141. On adoptas olda vice malyuna, per 8 voci[1].
142. On adoptas odiar vice malamar, per 6 voci[2]
143. On adoptas tenua vice malgrosa, per 8 voci.
144. On adoptas dina vice maldika, per 6 voci.
145. On adoptas lenta vice malrapida, per 8 voci.
146. On adoptas lenso vice lento, per 6 voci (3 por lentilo)[3].
147. On adoptas kolda vice malvarma, per 6 voci.
148. On adoptas enemiko vice malamiko, per 6 voci (1 por inimiko, 1 por ne‑ o des-amiko).
149. On adoptas darfar kun la defino : me darfas ne esas interdiktata a me, per 8 voci.
150. On adoptas mustar kun la defino : me mustas facar esas necesa ke me facez…, per 8 voci.
151. On adoptas muflo (II, 643) per 5 voci ; defino : speco di vazo (ek argilo) en qua on pozas obyekti submisenda nerekte a l’efiko di la fairo.
152. On repulsas invana, invane (II, 673) per 7 no, 2 yes.
153. On adoptas justifikar (II, 673) per 5 voci (1 por justumar, 3 por justamontrar)[4].
154. On adoptas asasinar (II, 706) per 6 voci. Defino : mortigar kun pre-intenco ed embuske o surprize.
155. On adoptas ocidar (III, 161, 209) per 6 voci[5].
156. On repulsas atenuar (II, 707) per 5 voci.
157. On adoptas hego (II, 709) per 7 voci (2 por hejo).
158. On repulsas lokauto (II, 76) e judikas suficanta blokal exkluzo, per 6 voci kontre 2.
159. On adoptas disho (III, 199) per 6 voci (2 por repastuno, 1 por pladumo).
160. On judikas suficanta repasteto (kun o sen specaligo) vice la propozita kolaciono (II, 583) per 7 voci.
161. On repulsas menso vice monato, per 5 no, 4 yes.
- ↑ N.B. : On ne ja decidis pri vicigo di malnuva.
- ↑ N.B. : Nur 9 akademiani votis.
- ↑ Lenso signifikos do samtempe la legumo e l’optikal vitro.
- ↑ On darfas uzar justa-montrar, kompozita ek vorti existanta.
- ↑ Kompreneble, on darfas uzar omna posibla kompozaji : hom-ocidar, patr-ocidar, rej-ocidar, e c.
