gairm iarum for Duma[1] na ṅGīall i nEmain. Nī frecart nech; ba airmert di Ulltaib, nī labrad nech dīb acht[2] fri Conc[h]obar; nī labrad Conc[h]obar acht[3] ressna trīb drūidib. "Cistabrata, cisdagata, cisdabeir?" ol in drāi. "Nosmbeir," ol Sūaltaim, "nosgata, nombrata Ailill mac Mata la heolus Fergusa maic Rōig; roindertha far muinter cotici Dūn Sobairc[h]e; ructha a mbāi ⁊ a mnā ⁊ a n-ēti. Nīslēici Cūchulaind a Maig Murthemne ⁊ a Crīch Rois; trī mīs a gaimrid tuaga tra congabait a brat fair, suip sesca fail ina altaib[4]; rogæt coṅdechaid a altaib dō." "Ba hisa," ol in drāi,[5] "a bās ind ḟir rogresi ind rīg." "Is deithbir dō," ol Conc[h]obar. "Is dedbir dō," ol Ulaid. "Is fīr a canas Sūaldam," ol Conc[h]obar, "ōn lūan aidche samnai coricci lūan aidchi imbuilc ocor nindred." Focherd Sūaltaim bedc imach lasodain. Nīr lōr lais an aithesc rodbāi ⁊ dofuit fora scīath, co mbī fæbar conndūala in scēith a chenn de. Dobeir īnd Emain aitherroch a chend forrsin scīath isa teach ⁊ asbeir an cend an focol cētna; ciasi berad[6] alailiu is inna c[h]otlud robōi so forsind liaic, ⁊ is de dorochair fora scīath oc dīuchtrad. "Ba romōr a nūallsa tra," ol Conchobar. Muir ara[7] cendaib, in nem hūasa ṁbennaib, talum foa cosaib. Dobērsa cech mboin ina hindis[8] dīb ⁊ cach mben ⁊ cech mac dia tig iar mbūaid chatha." Forrumai Conchobar iarum lāim fora mac, for Findchad Fer ṁbend. Is aire asberar do suidiu fobith nombītis benna argaid fair.
Tochestol Ulad inso.
"Atrōi, a Findchaid! Notfōidiu co Dedad,[9] co Inber,[10] co Leamain,co Fallach, co hIllann mac Fergossa, co Gabar, co Dorlunsa, co hImc[h]lāriu, co Derg inderuc, co Feidlimid, co Cilar Cētach, co Fæladān, co Rochaid mac Faithemain, co Rigdond, co Lugaid, co Lugda, co Cathbuith, co Inber, co trī Coirbriu, co hAelai, Co Lae, [44 b] co a thachur, co a glend, co Senoll hUathach, co Debul Ardda, co Cethirn mac Findtain, [co] Carlaig, co Cethern, co Eillne, co Aurothor, co Mulaig, co a dūn, cosin rīgfilid, co hAmirgin, cosin nŪathadaich fodoblaid, cosin Mōrrignai, co
- ↑ for duma inserted (possibly later) below
- ↑ Added in marg. later
- ↑ Added later below
- ↑ naltaib ms., with n altered into a
- ↑ One or two letters erased between this word and the next
- ↑ leg. cia asberat
- ↑ Second a added later below
- ↑ the mark of aspiration is later
- ↑ edad seems to have been inserted later on an erasure
- ↑ inaer altered later to inber
