hEamain anair ⁊ antūaid ⁊ aniar. Intan bādar and dolotar uile combādar oc Emain Macha. Intan bātar and adcūaladar[1] comērge do Chonc[h]obar inn-Emain. Lotarsom sech Eamain fodeas i ndīaid int slōig.[2] A cētna tochumluth iarum ō Emain co hIrard Cuilleand. "Cid fris nanaid sund?" ol Conchobar. "Oc irnaidi do macsu," or in slōg. "Dochōtar co trchaid leó do Theamraig do chuindchid Eirc maic Cairpri Niadfer ⁊ Fedelme Nōichridi; condontīsat a ndā trichaid cēt sin nī ragam don maiginsea." "Ni aniub chētus," ol Conchobar,[3] "co fesadar fir hĒrend mo dīuchtradsa asin ches araba."
Luid Conc[h]obar ⁊ Cealtchair trib cōictibcarpatcutubartadar ocht fichti cend dīb ō Āth Airthir Midi; is de atā Āth Fēne. Bādar and oc frecomēt in tslōig[4] ⁊ ocht fichid ban, ba sī a nernail din brait; dobretha a cenda and ⁊ dofāidi Conc[h]obar ⁊ Celtchair dochum an dūnaid. Is andsin asbert Celtchair fria[5] Conc[h]obar.
"Taibli lethderga la rīg naga[6] samlaithiu co fodbaib fethe dees miomain im chēt crōeb di thailc traigead tricha cetharriad cēt crūaid neach dame la cēt im cēt druad diar tuus na esbiad fer feraind im druimne Conc[h]obair fochleamar cath clichit a ḟēine rogenetar cath for Gāirich ⁊ Irgāirich," olse. No comad hē Cūscraid Mend Macha mac Conc[h]oba[i]r rochanad in lāigsea[7] in adaig riasin cath[8] for slicht na lāidi rochan Lōegaire [45 b] būadach .i. Afraigid rīg Macha aurclichid ⁊ reliqua, ⁊ comad isin dūnad tair rocanta. Bā isin naichdisin adchondairc Dubthach Dōel Ulad in aislingi a mbādar ind tslōig[9] for Gāirich ⁊ Irgāirich; is and asbert triana chotlud.
Aislingi Dubthaich so.
Amra maitne, amra mithisi, mescfaither slōig, soithfidir rīg, memsite muineoil, ruidfes grīan, dommema for trī slūagu slicht slūaig Ulad im Chonchobar; imconsēnat a mnā, dosēset a neti isin maitin manairther, arsilsither lāich, diroirpiter coin, ardidsiter eich illenith loth ibther sinis cluipetach di dālaib mōrt[h]ūath. Dofochtradar tria chotlud lasin. Cotmesca ind Emain forsin slōg. Adbail cēt fer dīb It˘[10] toeter didiu iarsin; co cūaladar doris Cormac Conlonges, no comad hē Ailil mac Mātæ isin
