bil ōir imbi, gāi āith ētrom co foscod ina lāim, brat corcra cortharach i forcibul imbi, delc narcuid isin brot ara bruindib, lēne gel cupatach co ndergind[liud] imbi, claideb [49 b] ōrduirn tara ētach aneachtair." Contūaissi[1] Fergus lasodain. "Nī fetarsa[2] ēm," or Fergus, "indas in maic sin la hUltu, acht ōen bad dōig lim beidis hē fir Themra immon mac cōir namra noir[d]nidi, im Erc mac Coirpri Niad fer ⁊ ingine Conc[h]obair nimmuscarat tairrid dīchmairc a athar dodeachaid in fer sin do chobair a senathar. Is tria nāg[3] in maic sin," or sin[4] "brisfi[t]hir in cath foraib. Nicon aithigi[5] in mac sin hūath nā homun oc far saigid etorro a medōn far catha. Bad ferrda bhūrigfite[6] lāithi gaili fer nUlad oc teasarcain luig a cridi oc sligid in chatha; dosuicfe uile ell condolba oc aiscin in maic isind nīth mār sin[7] oc sligi in catha remib. Rocechlastar rucht claidib Conc[h]obair amail gloim? nārchon ic tesorcain in maic. Focicher Cūchulaind trī mūru dōine immon cath oc saighid[8] in maic bit (sic). Bith condalb donuapērat lāith gaili fer nUlad in dīairmi," or Fergus.
"Is fota leam trā," or Mac Roth,[9] "bith fri haisnēis ineich adcondarc uili acht dodoechaid etarport co fis scēl dūibse." "Dofucais," or Fergus. "Nī thānic didiu Conall Cernach cona mōrbuidin," or Mac Roth. "NĪ thāngadar trī meic Conc[h]oba[i]r cona trī cōectaib cēt. Nī thānic trā Cūchulaind and iarna chrēchtnugud inn ēcomlund. Acht masa err ōenc[h]arpait," or Mac Roth, "nammā is dōig bad nē inso thānic ann. Dā each dronchara fona c[h]arpat; it ē scūablebra, baslethna, forlethna, fosseṅga[10], ardchenda, tūagmair, gobc[h]ōela, bolcsrōna.[11] Dā ndroch ṅduba tairchisi[12], fonnaid-rēidi, ruirthecha, cret urard dresachtach, pupull ūainidi,[13] hūaitne intnaise. Ōclǣch isin charpat sin cetherleathan corcaineach, sūasmǣl cas cirdub fair coticci[14] āth a dā ghūaland[15], cethochruss no ceatharfochrus bruit derg imbi, ceithri tricht binni clis hi cechtar a dō dhōit.[16] Claideb ōrduirn fora chlīu, scīath[17] ⁊ sleg lais, ceit[h]ri cleitīni fichit imbi fo thētaib ⁊ refedaib. Ara[18] ara bēlaib, dā chulaid ind araid
- ↑ first s on erasure
- ↑ f has a later mark of aspiration over it
- ↑ Beneath a another a has been added later
- ↑ sīms. (? side), but an attempt seems to have been made to alter si to f; leg. Fergus?
- ↑ th later on erasure
- ↑ h later on erasure
- ↑ Added later above
- ↑ Mark of aspiration later
- ↑ Added later beneath
- ↑ First s either inserted later on erasure or an attempt made to erase it
- ↑ The s has been inserted later
- ↑ A letter seems to have been erased after tair
- ↑ The n is later on erasure
- ↑ ci later on erasure
- ↑ Mark of aspiration later
- ↑ Mark of aspiration later; the i, which is on an erasure, is doubtful
- ↑ scliath ms
- ↑ Letter erased before r
