int ara ina heōna.[1] Conreraig Cūchulaind iarsin ina hoennu di thētaib ⁊ rofedaib[2] in charpait. Conid samlaid sin luid do Emain Macha: dam allaid i ndíaid a charpait ⁊ īall gēisi oc folūamain hūassa, ⁊ trī cind mac Nechtain Scēne ina charput.[3]
“Doreccaid[4] iarsin co hEmain. “Cairpthech[5] dorēt far ndochum,” ol in dercaid i nEmain Macha. “Ardāilfe fuil laiss cach duine fil isin[6] lis, mina[7] foichlichther[8] ⁊ mina[7] dic[h]set mnāi[9] ernochta fris.” Tosōisom iarum clār clē a charpait fri hEmain, ⁊ ba geis dī annīsin[10]. Ocus asbert Cūchulaind: “Toṅgu do dīa toṅgaid[11] Ulaid, mani ēt[12] fer do gleō frimsa, ardāilfe[13] a ḟuil cach ōen[14] isin dūn.” “Mnā ernochta ara chend!” ar Conchobar. Dothēit[15] iarum bantrocht nEmna ara c[h]end im Mugain[16] mnāi Conchobair maic Nesa, ⁊ donnochtad a mbruindi fris.[17] “It ē ōic innso condricset[18] frit indiu,” or Mumain.[19] Foilgisseom[20] a gnūis. Lasodain atnethat[21] lāith gaili Emna ⁊ focherdad i ndabaich nūaruisci.[22] Maiti imbisom in dabaich[23] hīsin. In dabach aile dino[24] hirrolād, fichis dornaib de. In tres dabach i ndechaid iarsuidiu, fosngertsaige[25] co mbo cuimse[26] dō a theas[27] ⁊ a fūacht. Dothoet[28] ass iarum. Ocus dobert in rīgan .i. Mumain nō Fērach iarsuidiu brat ngorm imbi[29] ⁊ delg nairgid nand, ⁊ lēne chulpatach,[30] ⁊ suidit[31] fo glūn Conchobair iarum, ⁊ ba sī sin a lebaid dogrēs iarsin.[32] "Fer dogni[33] sin ina .vii. mad[34] blīadain,” ol Fīacha[35] mac Firfeibe, “nī po mmachtad[36] cia chonbosaide[37] for ēcomlond ⁊ cia notragad[38] ar[39] comlann, intan ata lāna a .vii. mblīadna[40] dēcc.[41]” It ē maccerdda Conculaind andso annūas for Tāin Bō Cūailṅge.[42]
Slicht sain annsosīs[43] co hoidig[44] nŌrlāim.
“Tīagam as trā i fechtsa,” or Ailill. Roeccat[45] iarum Mag Muicceda. Benaid Cūchulaind omnæ ara ciund isuidiu ⁊ scrī-
- ↑ inna heónu LU.
- ↑ refedaib LU.
- ↑ tri cind inna carput LU.
- ↑ Recait LU.
- ↑ Carptech LU.
- ↑ isind LU.
- ↑ 7.0 7.1 mani LU.
- ↑ An attempt has been made to alter the second c to t: foichlither LU.
- ↑ mná LU.
- ↑ anísin LU.
- ↑ toigthe LU; leg. toingte
- ↑ Followed by an erasure: etar LU.; leg. étar
- ↑ sic LU.: leg. ardáliub
- ↑ a ḟuil cach oen; fuil cach nǽn LU.
- ↑ Tothéit LU.
- ↑ LU. has a note: ꝉ im Féraig secundum alios
- ↑ s later over i
- ↑ leg. condricfet: condricfat LU.
- ↑ ꝉ Ferach is written above: Mugain LU., with a note: ꝉ or Férach
- ↑ The second s later over the first
- ↑ atnethat LU.
- ↑ focherdat i ndabaig núarusci LU.
- ↑ dabach LU.
- ↑ dano LU.
- ↑ side LU, recte
- ↑ chumsi LU.; leg. chuimse
- ↑ tess LU.
- ↑ dothǽt LU.
- ↑ ⁊ dober ind rīgan iarsudiu .i. Mugain bratt ngorm nimbi LU.
- ↑ chulpatach LU., recte
- ↑ suidid LU, recte
- ↑ iarsudiu LU.
- ↑ dorigni LU., recte
- ↑ mad added later over the line
- ↑ Fíachna LU.
- ↑ machdad LU.
- ↑ leg. chonbósadside
- ↑ d later over the line; gl. .i. cia noerged LU.
- ↑ for LU.
- ↑ sé bliadna LU.
- ↑ indiu add. LU.
- ↑ it é...Cuailṅge om. LU.
- ↑ annso sis: so (.i. sis) LU.
- ↑ aidid LU., recte
- ↑ roeca LU.
