Lōigh.[1] “Atchīu dā charpat[2] chucund,” ol Lōeg.[3] “Fer mōr donn isin charput tōisech. Folt donn crǣbach fair. Brat corcra imbi. Eō ōir and. Lēne c[h]ulpatach co ndergintliud imbi. Cromscīath co fōebur condūalach[4] fair di findruine. Manāis brēfnech[5] ō mimuisc[6] co hadairc[7] ina[8] lāim. Claideb sithidir lāi[9] churaich[10] fora dib slīastaib.” “Is fās ind lui[11] mōrsin doberar lam popa Fergus,” or[12] Cūc[h]ulaind, “ar nī fil claideb ina indtiuch inṅge[13] claideb crainn.” “Atcóas[14] dam dino,[15]” ol Cūc[h]ulaind. “Rogab Ailill a mbōegul ina cotlad,[16] hēisom ⁊ Medb; ⁊ dorētlasstar a claideb[17] ar Fhergus, ⁊ darat[18] dia araid dia t[h]oscaid, ⁊ doratad claideb craind inna intech.”
Tic Fergus fosodain. “Fochen sin a popa a Fergaiss[19]!” ol Cūc[h]ulaind.[20] “Dia tonda[21] īasc isna haibnid nō isna hindberaib[22], robīa[23] hé co lleith araile. Dia tī īall i mag[24] rotbīa cauuth[25] co lleith araile[26]. Dornn biroir nō femur[27]; dornn fochluchta[28]; deog de ganim. Teacht i nnāth ar do chend tīs[29] ma thecra[30] t'imfaire co comthola[31] rotbīa.” “Is tairisi linn[32],” or[33] Fergus, “nī do bīad doroachtamar.[34] Rofedamar do t[h]rebad sund.” Arfōim Cūchulaind iarum in nimorchor ō Fergus. Tēit iarum remi Fergus.[35]
Anaid Etercomal oc dēicsin[36] Conculaind. “Cid doechai[37]?” ol Cūchulaind.[38] “Tusu,[39]” ol Eterchomal.[40] “Mos tairchella ēm sūil dar sodain,” ol Cūc[h]ulaind. “Is hed ōn atchīu,” ol Etercomol, “nī feicim[41] nī arṅdotāigi[42] do neoch. Nī aicim[43] di grāin nā hēruath nā forlonn līno latt. Maccōem tuchtach amne co ngaisciuth do ith[44] ⁊ co clesaib sēgdaib atotc[h]omnaic.” “Cia nomc[h]āne,” ol Cūc[h]ulaind, “nītgēnsa fobīth Fergusa[45]. Mani bad[46] do shnādud[47] immorro, robtis[48] do reṅga rigthi ⁊ do
- ↑ The mark of aspiration is later: Laíg LU.
- ↑ MS. chairp˘: charpat LU.
- ↑ or Lǽg LU.
- ↑ fǽbur chonduala LU.
- ↑ n added over the line later: bréfech LU.
- ↑ mimusc LU.
- ↑ h added later
- ↑ inda LU.
- ↑ lói LU.
- ↑ churaig LU.; leg. curaig
- ↑ lái LU.
- ↑ ol LU.
- ↑ intiuch inge LU.
- ↑ Atchoas LU.
- ↑ dano LU.
- ↑ inna cotlud LU.
- ↑ The first s of doretlasstar seems to have been altered from i: dorétlaistir a claidiub LU.
- ↑ dorat LU.
- ↑ a phopa Ferg˘ LU.
- ↑ Cú LU.
- ↑ tí LU.; leg. tomna
- ↑ íasc i ninb˘ LU.
- ↑ rotbía LU., recte
- ↑ a mmag LU.
- ↑ caúth LU.
- ↑ alaili LU.
- ↑ femair LU.
- ↑ fochlochta LU.
- ↑ techt i náth ar cend fir LU.
- ↑ a written over the line; leg. thecma?
- ↑ The mark of aspiration is later: comthala LU.; leg. comtolae
- ↑ tarise lim LU.
- ↑ ol LU.
- ↑ dorochtamar LU.
- ↑ Téit Fergus ass iarum LU.
- ↑ déscin LU.
- ↑ doḟécai LU.: leg. doécai
- ↑ Cú LU.
- ↑ tussu LU.
- ↑ Etarcomol LU.
- ↑ icim added later above the line: fetar LU.
- ↑ ardotáigthe LU.: leg. arṅdotáigthe
- ↑ acim LU.
- ↑ doíd LU.: leg. do ḟid
- ↑ Fergus LU.
- ↑ b altered from f: manípad LU.
- ↑ ṡnadud LU.
- ↑ roptís LU.
