Page:Tain Bo Cuailnge.djvu/77

65

TÁIN BÓ CÚAILNGE

bō triphne. Condīachtsom dig fuirri. Dobertsi blegon sine dō. "Iniam^[1] bid slān doduc," ol Cūchulaind; "beandacht dea ⁊ anai^[2] fort," olse. Dei leōsom int æs cumachta ⁊ anai^[3] immorro int ǣs trebtha. Nō dombertsom brāth bennachtan furi, sic in ceteris.^[4] Īctha a cendsi^[5] combo slān. Dober blegon indala sine, combo slān a sūil. Dobert blegon in tres sine, combo slān a fergairi.^[6] "Atbirt frim," or in mōrrīgan, "nīmbīad īc lat co brāth." "Acht rofeisin combad tū," or^[7] Cūchulaind, "nītīccfaind."^[8] Nō^[9] comad rīamdrong Conculaind for Tartescc^[10] ainm in sceōilsea isin Tāna Bō Cūailgi.^[11]

Is andsin dosīacht^[12] Fergus fora glinni arnā briste fīr fer for Conchulaind.^[13] Is and iarum etha^[14] [33^a] ar galaib óenḟir cuici^[15] [cend coriss nō Dúinchind coross .i. Delgu Murthemne ind inbuidse. Geogain Cūchulaind andsin Fota ina rói, Bó mailce fora áth, Salach ina imliuch, Muinne ina dind, Luár i lLethberaib, Fertóithle hi Tóithlib. Hit é a nanmand na tírisin co bráth cach bale i torc[h]air cach fer dībsin. Geogain Cūchulaind dano Traig ⁊ Dornu ⁊ Dernu, Col ⁊ Mebul ⁊ Eraise for Áth Tíre móir desíu oc Méthiu ⁊ Cheithiu. Dī^[16] drúid insin ⁊ a teóra mná. Iarsin trá fóidis Medb cét fer dia sainmuintir do guin Conculaind. Nosgeogainseom uli iarum for Áth Cheit Chūile. Is and asbert Medb: "Is cuillend (.i. is col lind) dūnd ém guin ar muintire." Is dé atá Glaiss Chráu ⁊ Cuillend Cind Dúin ⁊ Áth Ceit Chúle.

Rogabsat trá cethri chóiced hĒrenn dúnad ⁊ lonngport isin Breslig Móir i mMaig Murthemne, ⁊ roláiset a nernail búair ⁊ braite seoco fodess hi Clithar Bó Ulad. Gabais Cūchulaind icond ḟert i lLercaib i comfocus dóib. Ocus atáis a ara tenid dó trāthnóna na haidchisin .i. Lōeg mac Ríangabra. Itchonnaircseom úad grístaitnem na narm nglanórda úas chind cethri cóiced nĒrend re funiud nēll na nóna. Dofánic ferg 7 luinni mór ic aicsin int slóig re hilar a bidbad re [h]imad a námat. Rogab a dā sleig ⁊ a scíath ⁊ a c[h]laideb. Crothis a scíath ⁊ cresáigis a slega ⁊ bertnaigis a chlaidem ⁊ dobert a srém^[17] caurad

1. Below the third letter there is a perpendicular curved stroke
2. The second a is added below: dé ⁊ ande LU.
3. ⁊ anai: andéi LU.
4. no-ceteris om. LU.
5. iarum add. LU.
6. Combad ed atberadsom in cech ní dibsin: "Bráth bennachtan fort," orse, add. LU.
7. ol LU.
8. tria bith sír add. LU.
9. om. LU.
10. tarthesc LU.
11. tána LU.
12. siacht LU.
13. Coinculaind LU.
14. cú add. LU.
15. cuici over the line: ar galaib oenfer coicer LU. After this there is a long omission in the ms.: what follows in brackets is taken from LU., beginning 77^b8.
16. sic MS. leg. tri.
17. leg. rém.

F