Mane Andōe.[1] Dolluid Dubthach dōel hUlad[2] la Fīachaid[3] fīaldāna dimraith. Dochorastair[4] Dōchæ gā for[5] Fīachaich co lluid i nDubthach. Focheird dino[6] Dubthach gāi (?) for Maine colluid i nDōcha. Dī fieir immoro māthair Dubthaich ⁊ Dōcha. Is de atā Imrull Belaich Eūin.
Nō is de atā Imroll Belaig Eūin.[7] Tīagaid na slōig do Beluch Eūin. Anaid and in dī dīrim[8] asuidiu.[9] Tic Dīarmait [34b] mac Concobar[10] di Ultaib antūaid. "Eirged marcach hūaib," or Dīarmaid, "co tī Mane dom acallaim dīs ⁊ ragatsa dīs ara chend." Condreccaid[11] iarum. "Dodechodsa,"[12] or Dīarmait, "ō Chonchobar co nerbora fri Meidb ⁊ Ailill co relget[13] na bǣ as ⁊ slān huile a ndarōnnad[14] and, ⁊ tabair in tarb anīar cosin tarb ille co comairset, huair rombāigi[15] Medb." "Ragadsa," or Maine, "co napror friu." Rāitiside din[16] fri Meidb ⁊ Ailill. "Nī ētar ar[17] Meidb anīsiu," or Mane. "Dēnam cǣmhlōd dā gaisced di˘,[18]" or Dīarmait, "massu ferr lat." "Maith lim," or Maine. Focherd ceachtar de gāi for araile, conidapthadar a nndīs,[19] ⁊ cunaidh[20] Imroll Belaig Eūin ainm na maignesim. Maiti in dīrim[21] fo araill. Dofuitet tri fichit dīb di cheachtar dā līna. Is de atā Ard in Dīrma.
[22]Foruirmiset muinter Ailella a mind rīg for Tamun drūth. Nī lāmair[23] a beith fair feisin. Srēidis Cūchulaind cloich fair oc Āth Tamain[24] co memaid a c[h]end de. Is de atā Āth Tamain[24] ⁊ Tuga in Tamuin.[25]
[26]Dointō iarum[27] Ōengus mac Ōenlāma gaibe[28] ōclach dāna di Ultaib in slōg nuile oc Modaib Loga—is inund ōn dino[29] ⁊ Lugmoud[30]—co tici Āth Dā Ḟertaī.[31] Nīslēic secha ⁊ dosmbidc[32] co llecaib, ⁊ asberat ind ēolaid[33] immusneblaid[34] riam remain[35] co tīastais[36] fo c[h]laideb oc Emain Macha, acht bid ar galaib
- ↑ nandóe LU.
- ↑ ulad LU.
- ↑ fíachaich LU.
- ↑ Docorastár LU.
- ↑ on an erasure
- ↑ dano LU.
- ↑ .i. add. LU.
- ↑ the first di added below later: anait andidírim LU.
- ↑ a added later below the line: suidiu LU.
- ↑ Conchobuir LU.
- ↑ Condrecat LU.
- ↑ Todeochadsa LU.
- ↑ relcet LU.
- ↑ ndorónad LU.
- ↑ robáge LU.
- ↑ dano LU.
- ↑ for LU.
- ↑ so LU
- ↑ conidapthatar a ndís LU.
- ↑ This looks as if an original t had been altered to d; the mark of aspiration is later
- ↑ dí has been added beneath later: a ndírim LU.
- ↑ On marg.: aided Tamuin druith inso LU.
- ↑ Ailill add. LU.
- ↑ 24.0 24.1 Tamuin LU.
- ↑ imthamun LU.
- ↑ on marg.: Oeided Óengussa mic Óenlama LU.
- ↑ Dointái LU.
- ↑ cáime LU.
- ↑ dano LU.
- ↑ Lugmod LU.
- ↑ ferta LU.
- ↑ d above the line
- ↑ eóláig LU.
- ↑ imneblaid (.i. rofós) LU.
- ↑ rémáin LU.
- ↑ tíastaī LU.
