Wikisource

Page:Tain Bo Cuailnge.djvu/89

This page has been proofread.
77
TÁIN BÓ CÚAILNGE

ōenfir[1] conrīsta fris. Brisit fīr fer fair iarum ⁊ rombeōtar inn ēcomlond.[2]

[3]"Tǣt neach ūaib ar mo chendsa," ar Cūchulaind oc Āth Dā Ḟerta. "Nīpa mise,[4] nīpa mē," ol[5] cāch asa maigin. "Nī dlegar cimbid dim c[h]inīul.[6] Cia nodligthi,[7] nīpad mē dobērtais tara chend i cimbidecht."

Is and gesa[8] do Fergus mac Rōeich teacht ara chend. Opaidside dino[9] dul ara[10] chend a dalta Conculaind.[11] Dobreth fīn do (⁊)[12] romescad co trēn, ⁊ roguided im dula isin comruc.[13] Tēit as iarum ō robās oc etarguidi fair[14] co tromda. Asbert Cūchulaind iarum: "is co nṅglinni[15] dothēig ar mo chendsa, a popa Fergus," olse, "cen c[h]laideb ina indtiuch."[16] Air gatsa[17] Ailill as,[18] ut praediximus. "Is cuma[19] limsa itir," or Fergus, "cia nobeth claideb and, nī imbērtha fortso. Teilc traigid dam, a Cūchulaind," or Fergus. "Tilcfeseo[20] ōn[21] damsa arīsi," ar Cūchulaind. "Samlaid ēicin," or Fergus. Is andsin dollēici Cūchulaind traigid for cūlu re Fergus corigi Grellaig nDollaid,[22] ara teilced Fergus traig dō[23] i llō chatha.[24] Tairbling[25] Cūchulaind iarum hi ṅGrellaig Dollaid. "Ara chenn dait, a Fergais[26]!" or cāch. "Aicc," ol Fergus, "nī hord erosa; is rabeōda[27] intī fil and; conomthī de chind chuardda nī reig."[28] Tīagaid seacha[29] iarum co ngabsad[30] dūnad hi Crīch Rois.[31] Rochluinethar[32] sōn dino Ferchū loṅgsech [35a] bōi for longus[33] re nAilill. Dathǣt[34]side af c[h]end Conculaind; tri fir dēac do[35] ba hē a līn. Gontai Fergus oc Ciṅgit Ferchon. Ataat a tri liic dēac and.

[LU. 82b 36 Fóidís Medb Mand Muresci mac Dāiri do Domnandchaib do c[h]omrac fri Coinculaind. Derbbrāthairside ⁊

  1. ↑ óenfer LU.
  2. ↑ rambéotar inecomlond LU.
  3. ↑ on marg.: Comrac Fergusa fri Coinculaind LU.
  4. ↑ messe LU.
  5. ↑ óol ms.
  6. ↑ dom cheniul LU.
  7. ↑ nodligthe LU.
  8. ↑ gessa LU.
  9. ↑ dano LU.
  10. ↑ ar LU.
  11. ↑ .i. Conculaind LU.
  12. ↑ there are traces of something which may have been ⁊, but it is now smudged over.
  13. ↑ comrac LU.
  14. ↑ oca etargude LU.
  15. ↑ something has been erased after ɔ, and a hyphen inserted between it and ṅ; the dot over n may be later: comglinni LU.
  16. ↑ intiuch LU.
  17. ↑ argatsaí LU.
  18. ↑ ass LU.
  19. ↑ cumma LU.
  20. ↑ Teilgfeso LU.
  21. ↑ dano LU.
  22. ↑ ndoluid LU.
  23. ↑ dósom traigid LU.
  24. ↑ beneath ocha has been added later imo: in catha LU.
  25. ↑ over n is a very faint dot.
  26. ↑ Fergus LU.
  27. ↑ robeóda LU.
  28. ↑ an attempt seems to have been made to erase i: reg LU.
  29. ↑ Tíagait secha LU.
  30. ↑ ngabsat LU.
  31. ↑ ross LU.
  32. ↑ raclunethar LU.
  33. ↑ boi for longus over the line: longais LU.
  34. ↑ dothæt LU.
  35. ↑ dano LU.
Retrieved from "https://wikisource.org/w/index.php?title=Page:Tain_Bo_Cuailnge.djvu/89&oldid=603664"