— 11 —
GÅRNIR
C’ est tot çou k’ i gn a d’ meyeu valet, dji cnoxhe tot plin des colebeus ki fjhît-st assoti m’ cuzén Djôzef et ki lyi årît dné gros po nd aveur ene cope d’ oûs.
POREA
T’ aveut-st i dné des oûs ou on djonne ?
GÅRNIR
I m’ aveut dné ’ne cope d’ oûs ; mins i n’ a k’ onk k’ åye reyussi. Et djel saye ouy paret valet, nos alans vey s’ i va ravizer s’ pere !
POREA
Les pris sont i foirt ?
GÅRNIR
Céncwante francs l’ prumî, c’ est on bot d’ djonnes.
POREA
Awè. Infén, dji t’ sohaite les céncwante francs.
GÅRNIR
O ! valet, s’ i n’ rivént nén dvins les pris, djel magne. Paski on colon d’ sôre, veyez vs, i s’ distingrè do prumir abôrd, sinon, on l’ pout bén mete el paile, ci n’ serè måy rén d’ lu !
POREA
Awè ?
GÅRNIR
Tén don, ni l’ a dj’ dju nén bén veyou avou m’ cuzén Djôzef, co traze feyes ! Vola onk k’ a des bons colons !
(Dadite rintere, mete li botaye sol djivå, candje di vantrin et continowe à ristinde.)
