— 18 —
GÅRNIR
Nonna, ele ni pout må, i fåreut k’ ele si dispitaxhe, et ci sereut fé come les ptitès djins. Dadite est trop comifåt po çoula. (candjant d’ ton) Ki vou dj’ dju dire, a-t on cåzu fini ?
POREA
Dj’ a co kékès cretes a fé.
GÅRNIR
Pocwè n’ prinss nén èn aprindisse don po fé çoula. I t’ aidreut todi !
POREA
Dj’ end a-st avou. Dji n’ a måy polou wårder nouk.
GÅRNIR
Dis pus vite ki Dadite les ctchessive.
POREA
O ! c’ est insi. Ca vormint, leye, i n’ a des djoûs k’ ele mi freut bén potchî foû d’ mes clicotes, télmint k’ elle est biesse !
GÅRNIR
Bén, inte di nos deus, kî conte-t ele esse paret t’ feme ?
POREA
Ki sai dj’ don mi ! Li feye do rwè bén seur !
GÅRNIR
Portant dji m’ rapele co, ki cwand vos hantîz, c’ esteut ene pitite bouwresse, ou ristindresse don, dji n’ sai pus å djusse.
POREA
(fijhant des grands airs)
Ene ristindresse ! Elle wangnive des çanses savez !
