— 25 —
DADITE (schovant l’ plantchî)
Vosse mariaedje, mi fi. Vos n’ håbitez nén a m’ manire des djins ki vs valèt. Vos estez trop al boune môde, Emile ; èn ome come vos doet tni pus d’ lu k’ çoula.
EMILE
O ! mame, c’ est esse foirt comifåt ki di n’ meprijhî personne.
DADITE
Dji n’ vis di nén delzè meprijhî dê m’ fi. Mins, on n’ les håbite nén, on les lait po çou k’ i sont.
EMILE
Di kî volez vs pårler ?
DADITE
Di beacôp des cis k’ vos prindez po camaerådes ; des ovrîs d’ mon Baneur ; vos rivnez avou zels !…
EMILE
Bén ki volez vs, on rvént del minme oujhene, on fwait l’ voye eshonne, ci n’ est nén po çou k’ dji so dessineu k’ i m’ fåreut fé l’ grandiveus edon.
DAD1TE (vivmint)
Çoula c’ est des råjhons da vosse pere et si vos l’ prindez po modele, vos n’ håbitrez måy ki des Pire Gårnir et tos djibîs del minme valeur.
EMILE
Pire Gårnir est on bråve ome k’ acleve si famile e-n oneur.
