katkatawa, pagpagaak, ket mailasin ti tiinek ni Simoun, a
namaga ken makasugat: daydi joyero makibilbilyar ken Ben Zayb.
Pagammuanen, thnmakder ni Padre Camorra.
—Umulog ni Kristo ta iso ti umay makisugal, puniales! —kinunana ket inbatuna iti ulo ni Padre Irene dagiti dua kabulong a nipis a nabati iti ima na;—puniales! abakentay kuma ti pusta, no saan a ti kodilio, ket naipaabak por endose. Puniales, ni Kristo ti umay makisugal!
Ket iti pungtot na, ipalpalawagna ti naaramid kadagiti amin nga adda iti salas, nangruna kadagiti tallo nga agpagnapagna a kasna ida pagbalinen a ukom. Agsugsugal ti Jeneral, iso “konkontraenna,” ni Padre Irene, adda “basas” nan, “inarrastrena” iti "espada” ket ¡puniales! ni kamutig a Padre Irene, dina intulok, dina inted ti “mala.” ,Ni Kristo ti umay makisugal! Ti anak ni ina na saan a napan sadiay a mangbuong iti ulo na iti awan pagangangayanna ken mangipaabak iti pirak na.
—Ipagarupna aya—innayunna a silalabaga unay—a sinapulak ti pirak ko iti “bobilis bobilis,” iti kasta-kasta laeng.
¡Ket dagiti indio rugyanda met ti tumawaren!... Ket napan iti siled a pagbibilyaran a ungor a ungor, ket dina inbibiangen dagiti ado a palpalawag ni Padre Irene, nga agpakpakawan ket apru-aprusanna ti agong na, tapno mailemmeng ti nalinis a isem na.
—Padre Fernandez, kayatyo ti tumugaw?—sinaludsod ni Padre Sibyla.
— Diak unay ammo ti tresilio!—insungbat daydi praile nga indungisna ti agong na.
—No kasta, umay ngad ni Simoun,—kinuna ti Jeneral; — e, Simoun, e, mister! Kayatyo ti umay makiay-ayam? ? —Ania ti maikeddeng gapo kadagiti armas de salon?— sinaludsod ni sekretario idi makitana a naisardeng biit ti sugal.
Ni Simoun intengngaagna ti ulo na.
—¿Kayatyo nga alaen ti tugaw ni Padre Camorra, apo Simbad?—sinaludsod ni Padre Irene;—brilyante ti isugalmo, saan a picha.
—Mabalin,—insungbat ni Simoun, a immasideg ket winagwagna ti tisa a nangrugit iti ima na;—ket dakayo, ania ti ikabil yo?
—¿Ania pay met ti ikabil mi?—insungbat ni Padre Sibyla. Ti Jeneral ikabilnanto ti kayat na, ngem dakami a relijioso, papadi...
