dinawatan iti ad-ado pay a subbot, wenno innalada kuma
am in nga al-alajas yo! !Ombre, di kay agbalin a naulpit!
Ni Simoun sinarsaritana nga inarang ti sangapangen a tulisan, ket dagitoy, kalpasan ti panangsangaili da a nalaing kenkuana iti bayat ti maysa nga aldaw, binay-anda a nangituloy iti pagna na, nga awan ket dinawatda kenkuana a subbot, no di laeng dagidi dua a nakasaysayaat a rebolber na nga Smith ken dagidi dua bungon a bala nga inkuyugna. Innayunna pay a dagiti tutulisan pinakumustaanda ni Ekselensia, ti Kapitan Jeneral.
Ket gapo itoy ken gapo ta ni Simoun inna sinarita a da giti tutulisan ado ti eskopeta, pusil ken rebolber da, ket no maymaysa la a tao, uray kasano ti kaado ti igam na, saan a makalisi, no masarakanna ioa, ni Ekselensia, tapno iti kasakbayan, dagiti tutulisan awanen maalada nga igam, mangipaulog iti maysa a baro a bilin maipapan kadagiti palpaltog a pagay-ayaman (pistola de salon).
!Baliktad, baliktad! — isupsupiat ni Simoun; — no kaniak, dagiti tutulisan isuda ti kadadayawan a tattao ditoy a ili; is-isuda laeng ti mangsapol iti bagas a kanenda, kas rebbengna. . . Patienyo aya a no ti nakatiliw kaniak. . ., ;ala! dakayo, kas pagarigan, inibbatandak kuma no di kay immuna nga innala ti kagudua dagiti al-alajas ko, wenno ad-ado pay? no unay a maysa a nagubal nga amerikano, a pugot (mulato), a lawlaw-asannan ti pannakipagayam na iti Kapitan Jeneral. tapno inna mapagsasawan ni Padre Irene. Pudno met ket di a no ni Padre Irene kuma ti nakatiliw ken Simoun, dina mibbatan, no kaskasdi la ti kabassit ti subbot na.
—Ti dakes, saan nga adda—intuloy ni Simoun—iti kaadda ti tulisan kadagiti banbantay ken awan matatao; no di ket iti kaadda ti tulisan kadagiti pagpagilian . . .
—Kas kadakayo;— kinuna a nagkatawa daydi kanonigo.
—Wen, kas kaniak, kas kadatayo, ilawlawag tay ti agsao; ditoy, awan indio a makangngeg ka datayo,—intuloy day di agtagtagilako;— ti dakes, adda iti kinasaan tay amin a tu lisan a napatak; inton maaramid ti kasta, ket intay agyanen kadagiti bakbakir, iti dayta nga aldaw, into maispal ti ili; iti dayta nga aldaw, into tumaod ti baro a kapututan a makaammunto a mangurnos iti biang na. . . ket ni Ekselensia mabalinnanto ti makiay-ayam a sitatalna iti tresilio, a di singsingaen ti sekretario. . .
Iti daydi a kanito, ti sekretario nagsuyaab ket inyunnatna dagidi dua a taktakiagna iti ngatuen ti ulo na, ket kasta
