a panangisao—innayon ti sekretario, a kinitana daydi dominiko.—Adda maysa kadakuada nga agnagan iti Isagani, dakes
bassit ti panagul-ulo na. . . kaanakan ti maysa a padi nga
indio. . .
—Maysa kadagiti kaad-adalak,—kinuna ni Padre Fernandez,—ket kaay-ayok unay. . .
—¡Puniales! ¡Kaay-ayuyo aya! — inpukkaw ni Padre Camorra;—idiay bapor, bassit la ti di kam nagsinnulungan: ta natangsit unay, jindurunko, ket indurunnak met ket din!
—Adda pay maysa a Makaragi wenno Makarai. . .
—Makarai,—kinuna ni Padre Irene, a simmamang met, —maysa a bumaro a naayat ken nakaay-ayo unay.
Sana inyarasaas iti Jeneral:
—Iso dayta daydi inbagak kadakayo, baknang unay. . . Ti “Seniora Kondesa” igunamgunamna unay.
-¡A!
—Maysa pay nga agad-adal iti Medisina, nga agnagan iti Basilio.. .
—No dayta ngad Basilio, awan masaok,—kinuna ni Padre Irene nga ingngatuna dagiti im-ima na, sana ida inukrad a kas la agdominus bobiskum; kaniak, ni dayta, danom a naalinaay. Diak la naammuan no ania ti kayat na ken no ania ti panpanunuten na. ¡Anio ket ti kaawanen ni Padre Salvi, ta iso kuma ti mangibaga kadagiti antesedentes na! Kasla nangngegko nga idi ubing pay, adda nakiririanna kadagiti Guardia Sibil. . . ti ama na, natay iti diak malagip no ania a riribok. . .
Ni Simoun immisem iti nabannayat, awan tagari na, nga inparangna dagiti napudaw ken nasayaat ti urnos da a ngipngipen na. . .
—¡Aja, aja!—kinuna ti Jeneral, a pinagkutina ti ulo na: d’Kasta aya? Isuratyo dayta a nagan!
—Ngem, Jeneral, — kinuna ti nangato nga agturay, idi makitana a dakes ti turungenen daydi a banag;—ingga na ita. awan pay ti ania man nga ammo a maisupiat kadagita nga agtutubo; ti dawat da, nalinteg unay, ket awan kalintegan tayo a di mangited, no dagita la pagpagarop ti intay pagbatbatayan. Ti pamanunutak iso toy: ti Turay, tapno maipakita ti panagtalek na iti Hi ken ti kinasimpa ti nagsaadan na, rebbengna nga ited ti dawat da; ket no makitana iti kalpasanna nga agpalaluda iti kinaimbag na, sa nanto ibabawi. Pambar wenno nalinteg a gapo saan nga agkurang, mabalintay ida a siimen . . . ¿Ania ti intay pamagluksawan kadagita
