- 97
ni Padre Fernandez, ti Summa ni Santo Tomas, kdmpy., ket
kasta da nga ingga na iti simbrek ti kura sadi Los Banios a
nangibaga a nasaganan ti pangaldaw.
Timmakder ni Ekselensia ket iso nakaisardengan ti susik.
—¡Ala, appo! —kinunana,—ita, nagbannog tayo a kasla pugot, idinto ta agbakbakasiontayo! Adda nagkuna a dagiti banbanag a dadakkel rebbengda a pagsasaritaan, no tartaraudi ti pannangan. Maminpinsan a kasta ti pamanunutak.
—Mabalin a maimpatsutayo,—kinuna ti sekretario a sinairna daydi kasta unay a susik.
—No kasta, ngarod, ipabigattayo.
Timmakderda amin.
—Jeneral, —inyarasaas daydi nangato nga agturay;—ti anak ni daytay Kabesang Tales nagsubli manen a umay dumawat iti pannakapalusot ni apo na a lakay, iso a masakit ket adda ita a balod a naisandi iti ama dayta ubing. . .
Ti Jeneral kinitana a siluluksaw ket inyaprusna ti imana iti nalawa a muging na.
—¡Karambas! jdida la pakanen met datao a sitatalna!
—Maikatlo nga aldaw ita nga um-umayen; maysa a balasang a nakaay-ay-ay unay. . .
¡A, sairo!—inpukaw ni Padre Camorra;—iso met la tay kunak itay: adda ibagak iti Jeneral, iso ti inayak. . . umayko surdungan ti dawat dayta a balasang!
Ti Jeneral kinudkudna ti likod ti lapayag na.
—¡Ala wen!—kinunana;—ti sekretario suratanna iti dua kabatog ti teniente ti Guardia Sibil, tapno ibbattanda! jDida met ket kuna a di ammo ti mangay-ay ken mangngaasi!
Ket kinitana ni Ben-Zayb. Daydi periodista nagkiray.
