- 101
—¡Karambas!. . . denggem, ket idi lunes, iania ti naaramid?
—Gapo ta iso ti umuna nga aldaw a kaadda ti klase, bina sana ti lista, nangte diti leksion: ti maipapan kadagiti sarsarming. Kitaem, manipod ditoy ingga na sadiay, ipaulo amin nga awan lablabasan. . . baktawan amin daytoy, sa man tuyen!
Ket intuduna iti Pisika, ni Ramos, dagiti paspaset a maadal; pagammuannan, timmayok ti pagbasaanen, ta sinipat ni Juanito nga inpangato.
—¡Ni, baybay-am dagita lekleksion, agpitsidutayo!
Dagiti agad-adal sadi Manila naganenda iti aldaw a pitshido daytay nagbaetan ti dua a piesta iso a pukawendan a kasla napisit, gapo laeng ta kasta ti kayat da.
—¿Ammom nga agpaypayso unay a baboy ka?—kinuna ni Placido, a sipupungtot ket pinidutna ti pagbasaan ken dagiti pappapel na.
—¡Agpitsidutayo — inulit ni Juanito.
—Ni Placido madi: no duddua laeng ti saan a sumbrek, saan da a ripkan ti maysa a klase a yan ti nasurok a sangagasot ket lima pulo. Nalagipna dagiti banbannog ken panagin-inot ni ina na a mangibusbusbos kenkuana sadi Manila, idinto nga adda nga agrigrigat, a paritanna pay ti bagi na iti iso amin.
Iti daydi a kanito, sumbrekda iti bet-ang ti Santo Domingo.
—Ita malagipko,—kinuna ni Juanito idi makitana ti bassit a plasa iti sango ti daan nga Aduana (iso ita ti yan ti Central Bank); ¿ammom a nadutukannak nga agdawat iti ur-or?
—¿Ania nga ur-or?
—¡Agpaay iti monumento!
—¿Ania a monumento?
¡Ni! Ti monumento ni Padre Baltazar, ¿dika ammo aya?
—?Ket, asino dayta Padre Baltazar?
—¡Kita kadi! ¡Maysa a dominiko a! Iso ti gapo na a da giti agad-adal ti dawatan dagiti papadi. !Ala, yegmo ta tallo wenno uppat a pisos mo, tapno makitada a naayattayo! Tapno di makuna, kaano man, a isuda nasapulda nga inikkatan ti bulsa da a nagpabongon iti maysa a ladawan. ¡Ala, Placidete, ta saan a mapukaw dayta a pirak!
Ket pinakuyuganna dagitoy a sasao iti kiray nga adda kayatna nga ibaga.
