Ni Placido nalagipna ti naaramid iti maysa nga agadadal a naingatngato latta gapo ta nangnangted iti tumaytayab
a managan kanario, ket nangted iti tallo a pisos.
—Ni, kitaem, ¿ammom? lawlawagek a isurat ti nagan mo, tapno ti propesor inna mabasa, ¿makitam? Placido Penitente, tallo a pisos. ¡A! ¡denggem! Iti uneg ti sangapulo ket lima nga aldaw, agkanaganan ti propesor ti Historia Natural. . . Ammumon a naimbag unay, saan na a yug-uged ti panaglampong ket di pay manglekleksion. ¡Chiko, rebbengtay ti agyaman!
—¡Pudno! —¿Ket, ania ti kunam, dina rebbeng a intay rambakan? Ti orkesta rebbengna a saan a maatiw iti inpan yo ken Katedratiko ti pisika.
—¡Pudno!
—¡Ania ti kunam no sagdudua a pisos ti ited ti tunggal maysa kadatayo? Alan, Placiding, sika ti mangirugi a mangted, tapno sika ti umuna iti lista.
Ket gapo ta makitana a ni Placido itedna a di agkitakit daydi dua a pisos a dinawatna, innayunna:
—Denggem, mangtedka iti uppat, ta isublikto met la kenka ti dua; pangar-arak laeng.
Ket no isublim met laeng, dania pay la ti pangtedak? Umanay ti panangikabil mo nga uppat.
—¡Ay, wen! Pudno. jNagbabuyakon! ammom nga agbalbalinak a babuyen? Ngem, itedmo laeng a, tapno adda ipakitak.
Ni Placido, tapno dina pagulbuden daydi padi a namuniag ken kuana, intedna ti dinawat da ken kuana.
Dimtengda iti Unibersidad.
Iti ruangan ken iti nagatiddagan dagiti ig-igid ti dalan nga adda iti agsumbangir, iso ti yan dagiti agad-adal nga agururay iti yuulog dagiti mangisursuro. Dagiti agsagsagana nga agadal iti kina-abogado, dagiti adda iti kinto anio ti Segunda Enseniansa, dagiti agsagsagana nga agadal iti kinamediko addada a napurukpurok a siraragsak: dagiti naudi, nalakada a mailasin gapo iti aruaten da ken gapo pay kadagiti gunggunay da nga awan kadagiti dadduma: ti kaaduan da naggapuda iti Ateneo Munisipal ket kadakuada, makitatayo ni dumadaniw a Isagani a mangilawlawag iti maysa a kadua na no kasano ti ibabales ti lawag. Iti maysa a purok, agsususik, agsusupiatda, adda mangibaga kadagiti sasao ti propesor, adda mangisamang kadagiti mabasbasa kadagiti pagpagbasaan da, adda mangisair kadagiti prinsipios askolasticos; iti
