- 105
Dios a makidangadang iti espiritu ti dakes, ken manglapped
iti pannakaiserrek dagiti naerejian a kontrabando iti paglakuan ti Baro a Sion.
Tapno maringpas, ni Placido agpirma kuman, ta gumangganat: dagiti kakadua na lulualuendan ti O Thoma, ngem kasla nadlawna a linapigos daydi uliteg na, ket kinunana:
—¡Inton malpas ti klase! kayatko a basaen a umuna.
—Atiddag unay, e’maawatam? day toy, maysa la nga isusupring iti dawat, nalawlawag, maysa nga isusupiat, maawatam? Da Makaraig ken dadduma pay dinawatda nga adda malukatan a maysa nga Akademya ti sao ti kastila, iso a maysa a pudpudno a kinaang-ang. . .
—¡Ala wen ala wen! chiko, into no kua, ta mangrugidan,—kinuna ni Placido a kinayatna ti nagturay.
—¡Ket no di met basbasaen ti propesor yo ti lista!
—Saanman, saamnan, basaenna sagpaminsan. Unto no kua, into no kua! Maysa pay. . . diak kayat a supiaten ni Makaraig.
—Saan met a supiaten ket, no di la. . .
Ni Placido dina nangngegen, nakaadayon, ket kasta unay ti karting na a napan iti pagadalan. Nangngegna dagiti ado nga ¡adsum! !adsum! ¡karamba! ¡mabasa ti lista gayam! . . . kinartinganna ti nagna, ket dimteng iti ruangan idi addadan iti letra Q.
—!Sinal. . . !—kinunana a kinagatna dagiti bibbibig na.
Nagduadua no sumbrek pay wenno saanen; naguged met langen nga awan, ket di danto met la ikkaten. Sumbrek dagiti agad-adal iti klase saan a inapan agadal, no di ket tapno saan a mayuged ti inda panaglampong; iti klase, awan sabali a maaramid no di ti panagleksion iti inpaulo, panangbasa iti pagbasaan, ket ado unayen, no adda maysa wenno dua a saludsod a di maawatan, nauneg, nasikap, kasla maysa a burburtia; pudno ket di a saan nga agkurang ti sangkabassit a sermon—kankanayon!—maipapan iti panagpakumbaba, panagtudio ken panagdayaw kadagiti praile, ket iso, ni Placido, napakumbaba, natudio ket managdayaw. Agawid kuman, ngem nalagipna nga umasidegen ti eksamen ket ti propesorna saan na pay a nagsaludsudan ket kasla itay dina pay kinita; naimbag daydi a kanito a pangipadlawanna iti bagi na ken tapno inda maam-ammo. No maam-ammon ti maysa nga agad-adal mabalinen a kuna a mairuarnan dayta a tawen, ta no saan nga ania man ti panangtinnag iti maysa a saan nga am-ammo, masapol a natangken ti puso tapno saan a maasi
