dissuan dagiti malmalo, iso tay isapatana a saan nga agsublin, isaruana ti amin a kita ti lunod ken dakes a sao; dagiti
ububbing yadadda met, tapno aglalo ngad la nga agpungtot,
ket no makitada nga awanen masao ti insik ket nabsugda
metten iti kasta unay a jopia ken bukel ti paktian a naasinan,
iso tay bayadanda amin a naalada, ket ti insik pumanaw a
siraragsak, agkatkatawa, kumidkidday ket awatenna a kasla
dungngo dagiti nalag-an a panangmalmalo dagiti agad-adal a
kasda pangpakada kenkuana.
—!!Juaya, jomia!!
Danggay ti piano ken biolin, gitarra ken akordeon ti maiballaballaet iti panagsasanggala a maulit-ulit dagiti basbaston dagiti agsursuro iti arnis. Iti lawlaw ti maysa nga akaba ken atiddag a lamisaan, addada dagiti agad-adal iti Ateneo nga agsursurat, ar-aramidenda dagiti komkomposision da, surutenda dagiti probproblema da, iti abay dagiti dadduma nga agsursurat iti mapan kadagiti ar-armen da iti papel a lumabbaga ken nasamsambirian, napunno iti dibujo; adda la ket tay agputar iti daniw, iti abay ti agadal iti plauta, ket iti kasta, ti putaren na masigsigod a masagawisiwan. Sadiay, dagiti daddadakkel, nga agadalen iti “Fakultad,” a nakamediasda iti seda ket naburdaan ti sapatilya da, palpalabasenda ti kanito a mamagpungtot kadagiti babbabassit, a inda laplapigusen dagiti laplapayag da, a nalalabbaga da langen iti kapayan da iti pitik a kasta unay; adda dua wenno tallo a nangtengngel iti maysa nga ubing a bassit pay, nga agikkis, agsangit ket isakitna iti bin-ig a kusay ti kordon ti sapin na: kayatda ngamin a ipada iti kas idi nayanak. . . ket agkulipagpag ken agsangit. Iti maysa a siled, iti lawlaw ti maysa a lamisaan a bassit, addada uppat nga agsusugai iti rebesino, a kasta unay a katawa ken angaw da, ket adda met maysa a gumanat unay, aginnaadal iti leksion na, ngem ti kinaagpaysuan na, ur-urayenna a dumteng ti isusublat na a pannakisugal. Adda maysa a dumteng a kas la nalaing unay, napalalo a pannakariri na ket umasideg iti lamisaan.
—jAnia ket kinadakes yon! —kunana; — jbigbigat ket agsusugalkayon! jAla man, ala man! ang-ang! jArrastriem iti tallo nga espada!
Ket ripkanna iti pagbasaan na, ket makisugal met. Adda mangngeg a ikkis, umawer dagiti disdisnog. Adda dua nga agkabil iti sumaruno a siled: maysa nga agad-adal a pilay, nalaka a masursuron, ken maysa a daksanggasat a kagapgapuna sadi ili na. Toy, ta apaman la ta agdamdamo nga agadal, makasarak iti maysa a pagbasaan a Pilosopia, ket
