- 129
—?Ket no maisupiat iti gakat tayo ti ikalikagom ni don Custodio?—sinaludsod ni nakudrep ti panagkitkita na a Pekson.
Saan da a nalagip daydi, ta sibabartekda a mamangpanunot iti saan a pannakaikupin daydi a banag. Isuda amin kinitada ni Makaraig tapno maammuanda ti inda aramiden.
—Dayta met la a saludsod naiturong ken Padre Irene: ngem kinunana kaniak, a nagkatawa iti katawa ti nasikap: “Adon ti inabak tayo, nagun-udtayo a dayta a banag mapanen iti inna pannakairingpas; ti kabusor mapilit a makirupak. . . no mabalintay a matignay ti nakem ni don Custodio tapno inna suruten dagiti panpanunot na a nawada, ket inna ika likagom ti pannakaannamong ti gakat, nangabaktayton; ti Jeneral naminpinsan a saan a bumiang.”
Ni Makaraig nagsardeng.
—?Ket, kasano ti panangtignay iti nakem na?—sinaludsod ti maysa a sigaganat.
—Ni Padre Irene, dua ti inpatuldo na kaniak a pamma yan ...
— !Ni insik Quiroga!—kinuna ti maysa.
—!Ni! Ibibiangnanto ni Quiroga. . .
—!lkkan iti maysa a regalo a nasayaat!
—Adadda manen, saan kan a masulisog.
—!A, ammukon, ammukon!—kinuna ni Pekson, a nag katawa,—ni Pepay a bailarina.
—!Ay, wen ni Pepay a bailarina!—kinuna dagiti dadduma.
Daytoy a Pepay, maysa a babai a nalapsat, masasao a pagayam unay ni don Custodio: iso ti kamangan dagiti kontratista, dagiti agan-annong ken dagiti mannakisutsot no adda kayatda a gun-uden iti daydi agdindinamag a konsejal. Ni Juanito Pelaez, gayyem met ti bailarina, inggayatna ti bagina a mapan makisao; ngem ni Isagani inwingiwingna ti ulo na ket kinunana nga umanayen ti panangaramat ken Padre Irene ket napalalo unayen ti panangaramat pay la ken Pepay iti daydi a banag.
—!Kitaentay man ti maikadua a pamuspusan!
—Ti sabali a pammayan, iso ti yaasideg iti abogado a pakium-umananna, ni “senior” Pasta, ti orakulo a pagtamdan ni don Custodio.
—Kaykayatko dayta, — kinuna ni Isagani; — ni “senior" Pasta, pilipino, ket kinaadalan ni uliteg ko. Ngem, J kasano ti pammayan tapno mayat a bumiang?
