Ni Isagani napan iti balay daydi abogado, maysa kada-
giti kasariritan a ul-ulo sadi Manila a pakium-umanan dagiti
praile kadagiti dadakkel a parparikot da. Naguray bassit
daydi bumaro, ta aduda dagiti napan umapo, ngem idi kuan,
dimteng ti batang na, ket simbrek iti pagadalan wenno bufete,
kas adadda a pangnagnaganda sadi Pilipinas.
Inawat daydi abogado a naguyek iti apagapaman ket inna intakaw a kinita dagiti saksaka na; saan a timmakder, dina met pinagtugaw ket intuluyna ti nagsursurat. Ni Isagani nabalinna a pinaliiw ken inadal a nalaing. Daydi abogado limmakay unayen, agubanen ket ti ludingas na nganngani nagsaknap iti amin ti tuktok ti ulo nan. Ti panagruprupana naalsem ket narupanget.
Ti panagadal na nakaul-ulimek; isuna la a mangngeg dagiti ar-arasaas dagiti eskribiente wenno pasante nga addada iti dumna a siled: dagiti pagsursurat da agikkisda a kas ket no itay makiapada iti papel.
Idi kuan, nalpas daydi abogado ti sursuratan na, indis- suna ti pagsurat na, intangadna ti ulo na, ket idi nabigbigna daydi bumaro, ti rupa na rimmaniag ket inyawatna a siaayat. ti ima na.
-Adios, bumaro! ngem agtugawkayo, pammakawananyo... diak ammo a dakayo. ¿Ket ni uliteg yo?
Ni Isagani bimmileg ti nakem na ket inpagarupna a ti panggep na naimbagto ti banagen na. Sinaritana iti ababa a sao ti maaramid a inadalna a nalaing ti magapo dagiti sasao na. Ni "senior" Pasta dinengngegna a di nagkir-ing idi damo na, ket, nupay ammuna ti dawat dagiti agad-adal, nagindidiammo a kas la itay kinayatna nga inpaawat nga iso saan a bumibiang kadagidi nga inuubingan; ngem idi atapennan ti kayat da kenkuana ket nangngegna a nasagid ti Bise-Rektor, dagiti praile, ti Kapitan Jeneral, ti gakat, kdmpy., ti rupana nagin-inot a kimmudrep ket nagangayanna ti inna ki-nuna;
