136
—Kas ko la inaawatan ti kayat yo a sawen,—intuloy ni Isagani, nga immisem iti naliday:—kayatyo a sawen a ti maysa a Turay a mangituray iti sabali a daga, gapo ta saan a nasayaat ti pannakabukel na ken gapo pay ta nabangon iti saan a napaypayso a...
—!Saan, saan, saan a dayta, saanl—insengngat, a sidadaras daydi lakay, a naginsasapol kadagiti ado a pappapcl na; —saan, kayatko itay a sawen. . . ngem, Jadino ti yan tay antiukos kon?
—Addayta,—kinuna ni Isagani.
Ni "senior” Pasta inkabilna ti antiukos na, naginbabasa kadagiti suinagmamano a pappapel, ket idi makitana nga agur-uray daydi bumaro, indayamudumna:
—Adda kayatko itay a ibaga. . ., kayatko a sawen a, ngem nalipatakon. . . gapo iti karting yo, ginupedyo ti saok. . . awan an-ania na met ket di. . . No ammuyo la kuma no kasano ti ulok, !ado unay ti aramid ko!
Ni Isagani naawatanna a kayatna a pagawidenen.
—No kasta,—kinunana a timmakder,—dakami. . . — !Ay!. . . nasayaat no baybay-anyo dayta a banag iti ima ti Turay; isunto ti mangituyang iti pagayatan na. . . Kunayo a ti Bise-Rektor sumupiat iti pannakaisuro ti sao ti kastila. Nalabit a kasta, ngem saan a iti anag, no di ket iti pamayan. Kunada a ti Rektor a umay adda ikuyugna a gakat a pangbalbalik iti panagsursuro. . . aguraykay bassit, ikkanyo ti kanito iti kanito na, agadalkayo, ta umasideg ti eksamenen, ket jkarambas! dakayo, ta agsaukay a nalaingen iti sao ti kastila ket nasayaat ti panagsao yo, iania ti pakibibiangan yo ka dagita a rirriri? ania ti paggagaran yo a maipangpangruna a maisuro? jDiak agduadua a ni Padre Florentino kasta met ti pamanunutan na! Ikamagannak unay kenkuana a!. . .
—Ni uliteg ko,—insungbat ni Isagani,—kanayon a inpapatigmaanna kaniak a ilagakto met dagiti dadduma a kas panangilagak ko iti bagik. . . saan a gapo kaniak ti inayak, immayak iti nagan dagiti dakdakes ti kasasaad da ngem siak. . .
—!Diantre! Aramidenda met ngay ti inaramid yo, uramenda met dagiti kidkiday da nga agadal, ket agludingasda met a kas kaniak a gapo iti panagipapaulok kadagiti ado a paspaset dagiti pagpagbasaan. . . Ket kunak a no ammuyo ita ti agsao iti kastila, gapo ta inadalyo; dakayo, saan kay a taga Manila ket saan met a kakastila dagiti nagan-annak kadakayo. jAdalenda met a ti inadal yo ken aramidenda met ti inaramid ko!. . . Siak, inubingdak dagiti amin a praile,
