- 137
inlutlutuak ida iti sokolate da, ket no madama idi a kiwkiwarek ti sokolate iti kanawan ko, a imak ti katigid ko igiggamanna ti gramatika, agadalak, ket kaasi ti Dios, diak nasapsapol ti sabali a nangisursuro, kada ak-akademya, kada palpalubos ti Turay. . . Patienda [ti mayat nga agadal, makaadal
ket makasursuro!
—?Ngem, mano kad met kadagiti mayat nga adda am mo na ti makadanon iti nagtengan yo? Maysa iti tunggal sangapulo ribo, ket jnaimbag unayen!
—!Psch! eket, ania ti pakasapulan yo iti ado?—insungbat daydi lakay, a intal-una ti abaga na.—No abogado, agsurukdan, ado pay kadakuada dagiti sumbrek a eskribiente. ?Mediko? Aggaapa, agdidinnadael ket agpipinnatayda a gapo laeng iti panaginnagaw da iti maysa a masakit. . . !Takiag, apo, takiag, iso ti masapol tayo, nga ipaay iti panagtalon!
Ni Isagani naawatanna a daddadaelenna la ti kanito na, ngem kinayatna ti simmungbat.
—Awan duadua,—kinunana; — aduda dagiti medmediko ken ab-abogado, ngem diak kuna nga agsursurukantayo, ta aduda dagiti il-ili tayo nga awanan; ngem no aduda iti bi lang, nalabit nga agkurangda iti kinalaing. Ket, tangay saan a mabalin a lapdan nga agadal dagiti agtutubo, ket ditoy, awan sabali a mabalin nga adalen no di ti kina-abogado ken ti kinamediko, apay a ibaybay-an ida a mangdadael iti kanito ken bannog da? Ket no ti kinadakes ti panagsursuro dina tubngen ti panagabogado wenno panagmediko dagiti ado nga agtutubo, no iti kamaudianan na, uray ania ti kukuen, adda met la agabogado wenno agmediko, <japay a di ngad la aramidenen a rumuarda a nalaing? Ket nupay kasta, uray no awan sabali a gagar no di mamagbalin itoy nga ili dagiti agtaltalon, Ili dagiti mangmangged, ken mamukaw kenkuana iti uray ania a kita nga aramid ti panunot, awan dakes a makitak, no dida ikkan iti sangkabassit a sursuro a mangipalubos kadakuada a mangpasayaat iti kasasaad da ken mangpasayaat pay met kadagiti ar-aramid da, babaen ti panangikaligakom a inda maawatan dagiti ado a banbanag a ka dagitoy nga al-aldaw saan da nga ammo.
—!Ni, ni, ni!—kinuna daydi abogado, nga inwagiswagisna ti ima na iti tangatang, a kasna itay pangpaadayo ka dagidi a panpanunot,—saan a masapol ti ado a retorika tapno agbalin iti tao a nalaing nga agtaltalon. !Tagtagainep, ararapaap, parparmata! !Ala! ikayatyo a suruten ti maysa a patigmaan ko?
