138
Ket timmakdcr, a inpatayna a siaayat ti ima na iti abaga daydi bumaro, ket intuluyna:
—Ikkankayo iti maysa a patigmaan ket patigmaan a nasayaat unay, ta makitak a nalaingkayo ket saanto a madadael. Agadalkayo nga agmediko? No kasta, awan sabali a rebbenyo a sursuruen no kasano ti panagikabil kadagiti taptapal, panagipakagat iti alimatek, ket uray inton kaano, diyo rantaen a pasayaaten wenno padaksen ti gasat dagiti pada yo a tattao. Inton malpasyo ti adal yo, makiasawakay iti maysa a balasang a baknang ken nasingpet, ikagumaanyo ti mangagas ken agsingir iti nangina, pagpanawanyo amin a di mangan-ano nga adda bassit pakaibianganna iti kasasaad ti Hi, makimisa, agkonpesar ket agkomulgarkayo, no kasta ti aramiden dagiti dadduma, ket makitayunto no di kayto agyaman kaniak, ket innakto met makita, no kas ta sibibiagakto pay. Laglagipenyo a kanayon a ti pudno nga aramid a kaasi mangrugi iti bagi met laeng; ti tao saanna a rebbeng a sapulen ditoy rabaw ti daga no saan a ti kaaduan a pagnam-ayan na a bukbukod, kas kuna ni Bent ham; no makiramramankayo kadagita minamauyong a tagtagainep, awanto ti pagsapulan yo, di kayto maasawaan ket awanto ti naimbag a pagbanagan yo. Amin dagiti tattao indakayto baybay-an ket dagiti kakailian yo isudanto met la ti umuna a mangatkatawa iti kinaawan ti ammo yo. Patiendak, dakayo indakto malaglagip, ket pudno daydi sao na, kunayunto, inton adda uban yo a kas kaniak, uban a kas kadagitoy.
Ket daydi lakay nga abogado piniritna ti bassit a buokna, nga umis-isem a sililiday ket pinagkutikutina ti ulo na.
—Inton adda uban ko a kas kadagita, apo,—insungbat ni Isagani, a sililiday met,—ket innakto italiaw dagiti matmatak iti nalabes ket innakto makita nga isuna la nga innak inkalikagom ti bukod ko a biang, a diak ket inaramid ti nabalin ko kuma unay ken rebbeng ko nga inpaay iti Hi. nga awan ti dina inted kaniak, kadagiti kakailiak a mangtultulong kaniak nga agbiag, no kastanto, apo, tunggal may sa nga uban maysanto met a siit, ket idinto kuma ta innak ida pakaidayawan, agpaaydanto laeng a mangibabain kaniak!
Ket idi nasauna tuyen, nagtamed a nagpakada, ket rimuar.
Daydi abogado napamayeng iti yan na, dagiti matmatana napamulenglengda. Nangngegna dagiti padekpadek a nangin-inot a immadayo, ket idi kuan, nagtugaw, a kinunana iti nainayad:
