- 145
daydi joyero ginupedna dagiti sasao na, ta sinaludsudna a
sigugubal:
—?Naayatanda dagiti brasalete?
Iti daytoy a saludsod, amin ti ragsak ni Quiroga nagpukaw a kasla tagainep: ti timek na a nalailo nagbalin a sumasaibbek, adadda manen a nagkubbo, pinagakubna uagiti dua nga im-ima na sana ida ingngato iti batog ti rupa na, ta kasta ti panagkablaaw dagiti in-insik, ket inyasugna:
—!Uu, sinio Simoim! !mi a pelilo, mi a luinalo! (Uu, apo !Simoun! !Napukawakon! !Narbaakon!)
—?Apay, insik Quiroga, napukaw ket narbakayon? !Ket no kasta unay a botelya ti champayn kada sangsangaili yo!
Ni Quiroga nagkidem ket nagmusiig. jjss! Ti naaramid iti daydi a malem, ti naaramid kadagiti brasalete, iso ti namukaw kenkuana. Ni Simoun immisem: no ti maysa nga agtagtagilako nga insik agasog, gapo ta naimbag ti pannagna ti tagilako na; ngem no kunkunana a nasayaat unay gapo ta kitkitaennan a marba wenno agtalawen a mapan sadi ili na.
—?Suya no sabe mi a pelilo, mi a luinalo? !A! sinio Simom, mi a !JAPAY! (Dakayo diyo ammo a napukawakon, narbaakon? A! apo Simoun, siak, japay!)
Ket daydi insik, tapno maipaawatna a nalaing ti kasasaad, na pinakuyuganna ti sao a JAPAY iti kasna pannakaidasay.
Ni Simoun ngannganina kinatawaan, ngem nagparbeng, ket kinunana nga awan ammona, naminpinsan nga awan ammo na.
Ni Quiroga inpanna iti maysa a siled, a ti ruangan na rinipkanna a siaannad, sana sinarita ti gapo ti dakes a gasat na.
Dagidi tallo a brasalete a brilyante a dinawatna ken Si moun tapno inna ida ipakita iti asawa na, saan da a nairanta itoy a babai, nakakaasi a pilipina a naipukok iti maysa a siled a kas maysa a sanglaya, nairantada iti maysa a nalapsat ken makakayaw a babai, pagayam ti maysa a dakkel a tao, a ti panangibabaet na, masapol daydi insik iti maysa a “negosio” a pakabalinanna a makaala iti maysa nga innem a ribo a pisos. Ket gapo ta daydi insik saan na nga ammo ti pagayayatan unay dagiti babbai, sana ket kinayat ti naginlalaing, dinawatna dagidi tallo a kasayaatan a brasalete a lako ni Si moun, nga agpateg iti tallo ingga na iti uppat a ribo a pisos ti maysa. Daydi insik, a naginkukuna, iti daydi isem na a nagpaiduma iti lailo, kinunana iti daydi babai a pilienna ti
