150
tang, a kas kadagiti imuko ken bolbola dagiti sumasalamangka: isuda ti mangipuruak, ket isuda met la ti umallawat.
Iti daydi a tawen, iti peria sadi Kiapo, agdinamag unay ti maysa nga ulo, a ninagnaganda iti “espinje,” nupay saan met, iso nga ipabpabuya ni Mr. Leeds, maysa nga amerikano. Dadakkel a pakpakdaar ti naipagket kadagiti diddiding dagiti balbalay, nakadatdatlag ket nakaal-aliaw, isuda ti mangawis iti gagar a mapan kumita. Uray ni Ben-Zayb, may ni Padre Camorra, uray ni Padre Irene, uray ni Padre Salvi san da pay a nakita; ni laeng Juanito Pelaez ti napan nagbuya iti naminsan a rabii ket sarsaritaenna iti gunglo da ti siddaaw na.
Ni Ben-Zayb, gapo ta periodista, kayatna ti sumapol iti maysa a kadawyan a panglawlawag iti daydi: ni Padre Ca morra, sairo ti ibagbagana; ni Padre Irene umis-isem; ni Padre Salvi, siraranga.
—Ngem, Padre, no di met mnayen ti sairo; umanaytayon a mangitapuak kadagiti karkararua tayo sadi inpierno. . .
—Awan sabali a mabalin a panglawlawag. . .
—No ti sirib. . .
—!Ania a sirib! !puniales!
—Ngem denggendak, ta innak ipalawag. Optika latta ti masapol iti dayta. Saan ko pay a nakita dayta ulo ket diak met ammo no kasano ti panangiparuar da. Toy baknang— intuduna ni Juanito Pelaez—kunana a saan a kas kadagiti ul-ulo nga agsao, a masansan a maipabpabuya — jala wen! Ngem ti puon da iso met laeng; optika latta ti masapol; aguraykayo, adda maikabil a sarming ditoy, adda man maysa iti likuden, ti ladawan aganninaw... kunak, ngarod, Pisika laeng ti masapol.
Ket nagado a sarsarming ti inna inikkat kadagiti diddiding, inna ida urnuurnusen, pasarayna ida patingigen, ket gapo ta di met rumsua ti pammayan na, kinunana:
—Tay kunakon, optika latta, awan sabali.
—Ngem, ania a sarming ti kayat yo, no ibaga ngad ni Juaniton a ti ulo adda iti uneg ti maysa a lakasa a naiparabaw iti maysa a lamisaan. . . Espiritismo ti makitak iti dayta, ta dagiti espiritista, kanayon a masapulda ti lamisaan, ket kunak a ni Padre Salvi, kas Gobernador Eklesistiko, ta iso, ngarod, rebbengna nga iparit dayta a maipabuya.
Ni Padre Salvi siuulimek; awan saora, wen, saan, dina met kuna.
