Ti rabii nakasaysayaat, ket ti plasa, napalalo a nagragsak.
Gapo ti lainiis ti puyupoy ken iti daydi nakasel-sellag a bulan
ti Enero, dagiti tattao pinunnuda ti peria, ta inda kumita,
pakita ken agpallailang. Dagiti musika dagiti kosmorama
ken dagiti silsilaw dagiti parparol isuda ti mangted iti biag
ken ragsak iti iso amin a di mangan-ano. Dagiti atiddag a
in-intar dagiti paglaklakuan a nakaranraniag iti bin-ig a sinanbalbalitok kada nadumaduma a kita, ipabuyada dagiti
nagsasar-ay a palpallatok, kalob ti rupa a naabutan dagiti
matmata da, abalbalay a lata, adda sinan-tren, sinan-karison
a babassit, sinan-kabayo a pinaratignayan, sinan-lugan, sinanbapor agraman battikulilit a kaldera da, babassit a pingpingan a porselana, belbelen a saleng, sinan-tatao a ganggannaet
ken pilipino, nalabbasit ken naragsak dagidiay, natalna ken
napanunot dagitoy a kasla nataengan a babassit a babbai iti
abay dagiti ububbing a dadakkel. Ti turugtog dagiti babas
sit a tamtambor, ti uni dagiti turorot a lata, ti baet nga aweng
dagiti korkordion kada or-organo a babassit aglalaukda a
kasla no karnabal, ket iti let-ang amin daydi, dagiti ado a
tattao nga agapan-apan, agdidinnuron, agdudungpar, nakataliaw dagiti ruprupa da kadagiti paglaklakuan, ket iti kasta,
adadda iti inda panagsasangdo a pasaray nakakatkataua. Da
giti luglugan masapol a inda ngedngedan ti panagtaray da
giti kabkabayo, ti !tabi! !tabi! dagiti kotkotsero, no kuan
mangngegen; agsasabat dagiti empleado, soldado, praile,
agad-adal, insik, babbalasang a kinuyog dagiti inna da wenno
dagiti iikit da, nga agkikinnablaaw, agkikinnidday, agsasao
iti pasaray naragsak, pasaray saan.
Ni Padre Camorra kas la nakatukno sadi langit iti ayatna nga agkitkita iti kasta unay nagado a babbai a nalalapsat; agsardeng, tumaliaw, idurunna ni Ben-Zayb, pagtalaklaenna ti dilana, agsapata ket kunkunana: ?Ket ni dayta, ni dayta, sika sumususop-tinta? eket ni daydiay, ania ti kunam? Iti naglabes a ragsak na, rabrabngisennan ti gayyern ken kasinsinnungbat na. No manen, kitaen ni Padre Salvi, ngem italtalekna kad pay ni Padre Salvi; ilallaluna ket di; dalapusenna
