- 155
inda ket ipaagep a siraranga ti ima da kadagiti ububbing ken
lallaki a lumakayen a nakakurno ket ngannganida pay nakaparintumeng; saan a ti napunno a pagidulinan iti lamuten
ken inumen, ken ti panganan, a kas kadagiti praile sadi Eu
ropa, ti makita, no di ket ti paglualuan, ti lamisaan a pagadalan; saan a ti praile nga agpalpalama a mangun-unor ka
dagiti amin a ruruangan, a nakasakay iti burro ket nakaiggem
iti supot, nga agdawdawat iti limos; ti praile sadi Pilipinas
iso ti siuukrad dagiti im-ima na nga agiburay iti balitok ka
dagiti nakakaasi nga indio. . .
— !Kitaenyo, iso dayta ni Padre Camorra! — kinuna ni Ben-Zayb, a rikriknaenna pay laeng ti ininom na a champagne.
Ket intuduna ti ladawan ti maysa a praile a nakuttong, sipapanunot, situtugaw iti abay ti maysa a lamisaan, ti ulona nakasadag iti dakulap na ket kasla agsursurat iti maysa a sermon. Adda met pagsaingan a silaw na.
Ti kinasupadi ti nakaipadaan na, pinagkatawana dagiti ado kadagiti nagkukuyog.
Ni Padre Camorra, ta nalipatannan ni Paulita, naawatanna ti gagem ni Ben-Zayb, ket nagsaludsod met:
—Ket, asinno ti kaas-asping dayta maysa a ladawan ita, Ben-Zayb?
Ket nagkatawa iti gagangay na a katawa ti nagubal.
Ladawan daydi ti maysa a baket a busa, nakuso-kuso ti buok na, situtugaw iti datar, kas kadagiti didiusen da sadi India, ket agpirpirinsa iti lupot. Ti pirinsa nasayaat unay ti pannakatulad na: gambang, sinan-balbalitok a papel dagiti naikabil a kasla beggang na, ket ti pannakaasok na, dadakkel a kapkapas a narugit ken natiritir.
—E, Ben-Zayb, saan nga ang-ang ti nagaramid, ania?— sinaludsod, ni Padre Camorra a nagkatawa.
—!Diak makita ti kunam!—kinuna daydi periodista.
—!Ngem, puniales! saan mo a makita ti naisurat a naganna: LA PRENSA PILIPINA? jDayta pagpirpirinsa dayta baket, naganenda ditoy iti pirinsa (prensa)!
Isuda amin nagkatawada, ket ni pay Ben-Zayb, kasta unay a pagaak na.
Adda dua a sinan-soldado ti Guardia Sibil a naisurat ti nagan da a sibil, sinarunuda ti maysa a lalaki a sirereppet iti nalagda a tali ket ti rupa na, naakkuban iti kalltigong na: El Pais del Abaka ti pinangnagan da, ket kasla inda palttigan.
Ado da dagiti napan ti saan a naay-aywan kadagiti maipabpabuya. An-annuruten iti Arte ti inda sasawen, sapsapu-
