- 161
dagiti natnatay, nangiparuar iti sinan-Purgatoryo, a lupot a
pakaanninawan iti apoy ken kadagiti karkararua, a ti inara
mid da, pagsaingan nga agsegden iti alkohol kada sinan-balbalitok, iti altar mayor ti simbaan ti maysa kadagiti arrabal,
tapno ado ti misa ken limos a ited dagiti tattao, ni nakuttong
ken naulimek a Padre Salvi, saan a immanges ket kinitana a
siaamak daydi sangarakem a dapo.
—!Memento, homo, qui pulvis es! (laglagipem, sika tao, a tapok ka!)—indayamudom ni Padre Irene, nga immisem
—P. . .kinuna ni Ben-Zayb.
Isagsaganana ngamin daydi a sawen kuma, ket napan ket inunnaanen ni kanonigo.
—Gapo ta diak ammo ti innak aramiden,—intuloy ni Mr. Leeds, a rinipkanna a siaannad ti lakasa,—inamirisko daydi papiro ket adda nakitak a dua a sao a ti kababagas diak naawatan. Kinayatko ida a linawlawagan ken binalikas iti napigsa, ket apaman la ta nasaok ti maysa, idi nariknak a daytoy lakasa nagtinnag kadagiti im-imak a kasla adda nangangaw a maysa a nabantot, ket nagdisso iti daga a diak ket nabalinen a naibagkat. Ti siddaaw ko nagbalin nga aligagget, idi ta agaluklukat latta nga is-iso, ket adda nagparang a maysa nga ulo ti tao iti uneg na, iso a nangilansa kadagiti matmata na kaniak iti naipadpaduma unay. Gapo iti buteng ko ket diak met ammo ti innak aramidenen iti saklang ti kasdi a datdatlag, napamayengak iti nabiit ket nagtigergerak a sibubuteng . . .Napasublik ti nakem ko. . . Gapo ta inpagartipko a day di, maysa la nga ubbaw a parmata, kinayatko nga inliwliwag ket binasak daydi maikadua a sao. Apaman la a nabalikasko, ti lakasa nagrikep, daydi ulo nagpukaw ket iti yan na, nakitak manen daydi sangarakem a dapo. Nasarakak, a diak ket inatatap, dagiti dua a sasao a kabibilgan ditoy lubong, dagiti sasao a mamarsua ken mamukaw, jti sao a mangted biag ken ti sao a mangted patay!
Nagsardeng iti apagbiit a kas no kayatna a kitaen ti nagapo dagiti sasao na. Idi kuan, a nabannayat ket nadeggang ti pannagna na, immasideg iti lamisaan ket inkabilna iti rabaw na daydi datdatlag a lakasa.
— !Mister, dayta abbong na!—kinuna ni Ben-Zayb, a di pay la nabagbagaan.
—?Ket, apay saan?—insungbat ni Mr. Leeds, a siaayat unay.
Ket inngatuna iti kanawan a ima na daydi lakasa, ket iti katigid na, inikkatna ti abbong, ket nagparang a naminpinsan a tinerred dagidi tallo a saksaka na. Insublina nga inka-
