- 171
nakem na pinagbalinnan a pudpudno unay a naaramid, ket
ado pay dagiti sabsabali a sarsarita a kakastoy met laeng a
inna nalaglagip. Ti tarigagay na nga agbiag a siwawaya ken
sabsabali pay a panpanunot a di pay nagbukel, isuda ti namagtinong iti nakem na a mapan sadi Hongkong. No sadiay ti
pagipanan dagiti praile iti amin a pirak da, nalabit a ti panagtagilako sadiay nasayaat, ket mabalinnanto ti bumaknang.
—!Kayatko ti agwaywayas, agbiag a siwawaya!. . .
Nadatngan ti rabii nga agalla-alla sadi San Fernando, ket gapo ta awan met la ti masarakanna a marinero a gayyem na, kinayatna ti nagawid. Ket agsipod ta ti rabii nakasaysayaat ket ti bulan rumanraniag sadi langit a pinagbalinna daydi nakakaasi nga ili a kas ti parparmataen a pagarian dagiti ada, napan iti peria. Sadiay nagapan-apan, inunurna amin dagiti paglaklakuan nga awan ket inna kitaen kadagiti laklako, ti panunot na adda sadi Hongkong, iso a papananna, a mapan agbiag a siwawaya, mapan agbaknang. . .
Panawanna kuman ti peria idi kasna nailasin ni joyero Simoun nga agpakpakada iti maysa a ganggannaet ket agsasauda a dua iti sao ti ingles. Ken Placido, amin a pagsasao dagiti europeo sadi Pilipinas, a saan a sao ti kastila, saan a sabali no di sao ti ingles: maysa pay, nangngegna ti sao a Hongkong.
!No mabalin kuma ni joyero Simoun a ikalikagom iti daydi a ganggannaet a mapan sadi Hongkong!
Ni Placido nagsardeng. Am-ammuna ti joyero gapo ta nagyan sadi ili na a naglako iti alajas. Kinuyugna iti naminsan nga adda napananna ket pudno a ni Simoun kasta unay nga ayat a inpakitana kenkuana, ta inna pay sinarsarita ti biag kadagiti Un-unibersidad kadagiti il-ili a siwawaya: jania a gidiat!
Ni Placido sinurutna ti joyero.
—!Apo Simoun, apo Simoun!—kinunana.
Iti daydi a kanito, ti joyero sumaksakay iti maysa a lugan. Apaman a nabigbigna ni Placido, nagsardeng.
—Adda kuma kayatko a dawaten kadakayo..., jkayatkay kuma a kasarita iti dua laeng! kinunana.
Ni Simoun naggaraw ta gumanat, a saan a nadlaw ni Placido iti alumiim na. Iti bassit a sao, sinaritana iti joyero ti naaramid kenkuana ket inbagana ti ayat na a mapan sadi Hongkong.
