- 173
— !Ni man dayta ti nagasat!—indayamudom ni Placido, a nagasog, ket kimmita iti yan dagiti limmabas a ngannganida agpukawen, ngem mailasin pay la a nalaing dagiti taktakiag ni Juanito a ngumato ken bumabada a kasla padeppa ti dadapilan a paggarawen ti angin.
—Dayta lattan ti pagpaayan na!—indayamudom met ni Simoun;—jnagimbag ket dagiti agtutubon!
—?Asino ti nagkunaan da Placido ken Simoun iti kasdi?
Toy pinatulduanna ti bumaro, pinanawanda ti lansangan ket immunegda kadagiti masursurutan a babaetan ken dandana iti nagbabaetan dagiti ado a balbalay, pasarayda lumayaw nga agbatay kadagiti batbato tapno saan da a maipilaw, pasarayda agrukob a sumari iti maysa nga alad a dakes ti pannakaaramid na ket dakdakes manen ti pannakataripatona. Nasdaaw ni Placido a nakakita iti daydi baknang a joyero a magna kadagidi a disdisso a kasla ket itay masansansan a paglaslasatanna ida. Idi kuan, nakagtengda iti maysa a nalawa a disso a yan a siwawayas ti maysa a bassit nga abong a nakapangpanglaw, linawlaw dagiti sabsaba ken bubua. Ado a kawkawayan kada tubtubong ti makita, iso a nangatapan ni Placido a balay daydi maysa a kastiliero wenno agararamid ti kuitis.
—!A! dakayo, gayam, apo. . .
Ket immulog a dagos.
—!Adda tay polboran?—sinaludsod ni Simoun.
—Naisakudan ur-urayek kartutso.
—!Ket dagiti bomba?
—Sisasaganadan.
—Naimbag unay, maestro... Ita met la a rabii, inkay kasarita ti teniente ken ti kabo. . . sa kayto ituloy a dagos ti pagnayo; sadi Lamayan addanto masarakanyo a maysa a tao a nakalugan iti bangka; Kabesa, kunayunto, ket Tales, isungbatnanto met. Masapol nga adda kay ditoy no bigat. !Awan kanito a dadaelen!
Ket inikkanna iti kuarta a balitok.
—!Apay, apo?—sinaludsod daydi tao iti nasayaat a sao ti kastila;—<jadda baro a damag?
—Wen; iti uneg ti lawas na nga umay.
—!Lawas na nga umay!—inulit daydi saan nga am-ammo a tao, ket nagsanod;—dagiti ar-arrabal saan da pay a nakasagana; urayenda a ti Jeneral ibabawina ti bilin. . . inpagarupko nga inton sumbrek datao iti kuaresma!
Ni Simoun pinagkutina ti ulo na.
