- 177
kas man la nakabutbuteng, nakadatdatlag, napukawna ti kinakinnet na gapo iti lawag ti bulan nga awan la ti dina pasayaaten ken palibnusen. Ngem ni Simoun agpigerger
manen; kasna itay makitkita iti sangwanan na ti naranga a
rupa daydi ama na, a natay iti pagbaludan, ngem natay gapo
iti panagaramid na iti naimbag, ken ti pay rupa, a narangranga manen, ti maysa a tao a nangted iti biag na gapo kenkuana, piman ta inpagarupna nga inna ikalikagom ti pannakapasayaat ti kasasaad ti Illi na.
—Saan, diak mabalin ti agtukiad;—kinunana, ket pinunasna ti linget a nanigos iti muging na;—ado ti naaramiden, ket ti nasayaat a banagen isunto ti mangugas kaniak. . . No kuman tinuladko ti inaramid yo, natayak kuma. . . jlwaksi dagiti tagtagainep, iwaksi dagiti ubbaw a panpanunot! Apoy ken paslep ti ipakat iti letteg, dusaen ti dakes, ket no dakes ti aramaten, uray no madadaelen iti kalpasan na! Saan, pinanunutko a nalaing; ngem ita, aggurigurak. . . agkapoy ti nakem ko. . . kadawyan. . . no inaramidko ti dakes, maipuon ta kayatko ti agaramid iti naimbag, ket ti banagen ti aramid ispalenna dagiti ar-aramaten. . . Tinto aramidek, saanakto nga agsebba iti peggad. . .
Ket nagidda a nakiburkibor ti ulo na ket kinayatna ti naturog.
Iti sumuno a bigat, ni Placido, a sisusungdo ken siisenr dagiti bibbibig na, dinengngegna ti pamagbaga ni ina na. Idi inbaga toy ti panggep na nga aramiden a inna pannakisarita iti Prokurador dagiti Agustino, saan a nagriri, saan a simmupiat; iso pay ket din ti nangigayat iti bagi na a mapan makisao, tapno di pay iso a pakabuungan ti ulo ni ina na, ket dinawatna nga agawiden sadi ili da iti daydi met la nga aldaw, no mabalin. Ni Kabesang Andang sinaludsudna kenkuana no ania ti gapo na.
—Wen,—kinunana—tano maammuan ti Prokurador nga addakay ditoy, saannakto a mapan makisarita, no diyo umuna a paikkan iti regalo ken sumagmamano a misa.
