182
angsab iti amin a di mangan-ano, manipod iti pagpapukisan,
no madama ti Figaro (barbero wenno mamukpukis) a mangipakpakat iti kartib na, ta inna met iballaballaet a ipalpalawag ti programa na, agingga kadagiti daydaya a pakawarwaran, iti nasayaat ti pannakaurnos da a sasao, dagiti naduma a panpanagem dagiti parpartido, dagiti naggigidiatan
da, dagiti pagsisinaan da, dagiti saan a mapmapnek, kdmpy.,
amin daydi, idi ta umad-adayo sadi Europa, rumusingda man
a silalangto kenkuana, a kasla bukcl a naitukit a di palungawen dagiti narabcr a ruruot, ket kasta unay, ta idi ta dimtong sadi Manila, inrantana a balbaliwan ti kasasaad, ket
pudno, ta nasayaat unay dagidi panpanagem na ket natarnaw
met dagidi tartarigagay na.
Kadagidi immuna a bulbulan ti sangpet na, awan la ti sabali a sinarsaritana no di dagidi naar-aramid kenkuana sadi Madrid, dagidi naimbag a gagayyem na, ni Ministro Kua, ni Nag-Ministro Kastoy, ni diputado C., ni mannurat a B.; awan naaramid a napateg inaipanggep iti politika, awan riri dagidi nangato nga agturturay a dina ammo a nalaing, awan tao a nalatak, a ti nalimed a biagna dina ammo, awan nabalin a naaramid a saanna nga inyuna nga inbaga, awan ania man naituyang a saan a immuna a nayuman kenkuana; ket amin dagitoy malauklaukanda iti pangdadael kadagiti konserbador, isuda a karurudna unay, pangidaydayaw iti partido liberal, sarsarita, sasao dagidi dadakkel a tattao, ket pasarayna met iballaet a kasla itay saan na a gaggagaraen, a inggayatanda iti saad ken takem, ngem dina kinayat a inawat, tapno awan utang na kadagiti konserbador. Kasta unay ti rayray ti ayat na kadagidi immuna nga al-aldaw, ta ado ka dagidi masansan a kasarsarita na iti paglakuan kadagiti makmakan a pappapananna sagpaminsan, ti kimmappon iti partido liberal, ket nagbalinda a liberal ni don Eulogio Badana, nagsarjento ti karabinero, ni natakneng nga Armendia, piloto (mangyurit) ken napinget a karlista (pasurot daydi don Carlos, a nagpanagem a nagari sadi Espania); ni don Eusebio Picote, bista de aduanas, ken ni don Bonifacio Takon, agar aramid iti sapatos ken guarnision.
Nupay kasta, ti rayray ti nakem na, ta awan met mangyubuyob ken manupiat, nangin-inot a naiddep. Iso di met agbasa kadagiti pagpagiwarnak nga aggapo sadi Espania ta binalkutda met nga agsangpet ket iti la inna pannakakita, kadakuada agsuyaaben; dagidi panpanunot a natiltiliwna, a nalpasda a nagasgasen, masapulda ti masuray, ket awan met
