- 189
gong a sinan u-ong, nakatartaraki ta rutrot unayen, iso ti nangabbong iti dakkel unay a ulo na a pagrungarungan dagiti
sumagmamano a bubuok na a pumuraw a ngumisit, narugit,
istay lumabbasit, atitiddog, nagbalikawwet iti murdong a
kasla book ti dumadaniw. Ti nangruna a nakaddidillaw iti
daydi a tao, saan a ti aruat na, saan a ti rupa na a rupa ti
taga Europa, awan iming na, no di ket ti nalaos a kinalabagano, nga iso ti nakanaganan na iti Kamaronkosido (naluto a
pasayan), a iso ti ammo dagiti tattao a nagan na. Naipadpaduma daydi a tao: kameng ti maysa bubong a nabaknang,
agbibiag a kasla maysa a bayanggudaw, maysa nga agpalpalama; kastila, inna pagang-angawan ti naimbag a nagan da
giti kakailian na, nga inna ap-aplitan a kasla di mangrikna,
iti rutayrutay nga aruat na; kasla maysa a repoter, ket ti
pudno, dagidi ngumisit a pumuraw a matmata na a kasda
la lumsot, nalamiis ken napanunot, addada latta iti uray sadino a pakaaramidan ti uray ania man a mabalin a maiwarnak.
Aduda dagiti saan a makawaat iti panagbibiag na; awan makaammo no adino ti pangpanganan na ken no adino ti pagturturugan na: nalabit, adda lungog na.
Iti daydi a kanito, ti rupa ni Kamaronkosido saan a nalangken ken di mangririkna a kas kadawyan: adda kasla maysa a naragsak nga asi kadagiti matmata na. Maysa a tao a bassit, maysa a lakay ti simmango kenkuana a siraragsak,
—!Gayyem kooo! —kinunana, iti timek nga agpaparaw, nawara a kasla uni ti tukak,—ket inpakitana dagiti kukuartana a pinisos a meksikano.
Ni Kamaronkosido nakitana dagidi pinisos, ket intal-una ti abaga na. ?Ania ti bibiang na?
Daydi lakay, pudno a maikari a kasupadi na. Bassit, bassit unay, nakaluban ti ulo na iti kallugong a de kopa a nagbalinen a kasla dakkel a samrid wenno igges a dutdutan, ti bagi na naisupot iti maysa a lebita a nalawa, nalawa unay, ket nagsapin iti nalaos nagkiting, ta saan na pay a malabsan dagiti butbutoy na. Ti bagi na kasla iso ti apo lakay ket dagiti saksaka na kasla isuda dagiti appuko, ket no kitaen dagiti sapsapatos na, kasla nagbarangay iti aglaylayag iti takdang;—Inakadakdakkel da gayain a sapatos ti marinero a inaisupiat iti daydi igges a nagdutdot nga adda iti ulo na, iti kasla kapigsa ti maysa a konbento iti abay ti maysa nga Esposision Unibersal! No nalabbasit ni Kamaronkosido, iso pugot; daydiay, idinto ta kastila, awan la ti uray maysa a dutdot iti rupa na; iso, idinto ta indio, adda iming a puraw iti timid na ken iti bibig na, iming a puraw, atitiddag ken
