192
nga apan iti balay a bassit a ipampambarda nga agsikada,
tapno iti lingcd inda kitaen ti diksionario nga ibulbulsada.
Saan a gapo itoy ti pakaleppasan dagiti es-espediente; ngem
ibilinda ket di kadagiti tattao nga agsublida iti sumuno nga
aldaw, ngem dagiti tattao dida mabalin ti agpungtot: dagiti
empleado a makasauda, nadayawda unay, naayatda unay,
awatenda ida ket palubusanda ida a kurnukurnuan iti kas
pamayan dagiti pranses: dagiti impleado agsansanayda gayam,
wagwagenda ti tapok ti sao ti pranses nga ammuda, ket no
agsasatida manen, iti kakastoy: oui monesiour, s’il bous plait
(no ipalubusyo kuma, apo), ken pardon! (pammakawananyo)
a makaay-ayat unay ti inda kadakuada makakita ken makangngeg. Ngem ti nangruna a yan ti ayat ken danag a napaypayso, isuda dagiti pagsursuratan dagiti pagpagiwarnak; ni
Ben-Zayb, a natudingan a mangamiris ken mangyulog iti
pakasaritaan ti maipabuya, agtigtigerger, a kasla maysa a
nakakaasi a babai a naidarom nga aswang; makitana gayamen dagiti kabusor na a mangsapsapol iti pagtigkulan na
ken mangiparupa kenkuana iti kinabassit ti ammo na a sao
ti pranses. Idi adda napan a Opera Italiana, istay nakipinnaltog gapo ta dakes ti panangyulog na iti nagan ti maysa a
tenor; adda maysa ngamin a naapal a nangigiddato a nangiwarnak iti maysa a sinurat a nagkunaanna a ni Ben-Zayb awan
ammo na, jidinto ta iso ti umuna nga ulo nga agpanunot
sadi Pilipinas! :Ti rigat na a nagsarsarapa! Saan a sangsangapulo ket pito dagiti ar-artikulo nga insuratna ket saan
met a sangsangapulo ket lima dagiti diksionario a nakiumananna. Ket gapo itoy makapaimbag a lagip, ni nakakaasi
a Ben-Zayb napalalo nga annad na, a mabalin a kunaen a
kasla buli dagiti im-ima na, saan mi a kuna a dagiti saksaka na, tapno dimi tuladen ni Padre Camorra, iso a nakaitured a nagkuna a ni Ben-Zayb, dagiti saksaka na ti aramatenna a pagsurat.
—Makitam, Kiko?—kinuna ni Kamaronkosido;— ti kagudua dagiti tattao umayda gapo ti inbaga kadakuada dagiti praile a saan da nga um-umay, kasla maysa a panangipamatmat; ket ti maysa a kagudua, gapo ta kunada: “Iparit dagiti praile? no kasta, nalabit a ta maipabuya adda maisuruna.” Patiennak, Kiko, dagiti programam nasayaat da, ngem nasaysayaat pay la ti Pastoral, ket !kitaem, ta awan nagbasa, wen!
—Gayyem kooo, patiem, sikaaa,—sinaludsod, a di makaidna ni Uliteg Kiko,—a gapo iti pannakisinnallin ni Padre Salvi, iti kasakbayan, inda ikkaten ti pagsapulaaaak?
