- 197
nan a pudpudno a kastila a nayanak sadi Espania. !Sst! Kitaein ni Ben-Zayb, dayta kasla agruprupa a praile, a nagiggem iti lapis ken linukot a papel, iso dayta ni naindaklan a
sumusurat a Ben-Zayb, gayyem ko unay; nalaing unay ti ulona!
—Ibagayo man, ?ket dayta bassit a lalaki a nagpatilia iti puraw. . . ?
—Iso dayta ti namagbalin nga Auxiliar de Fomento kadagiti annak na a babbai, dagita tallo a babassit, tapno umawatda iti sueldo. . . Nalaing unay, ngem nalaing unay! agaramid iti minamauyong, Sana ipabasol... iti sabali; gumatang iti bado ket bayadan ti Turay. Nalaing unay, nalaing unay, ngem nalaing unay!..
Ni Tadeo nagsardeng.
—?Ket dayta baknang ita a kasla makapungpungot ket kitaenna amin a tao iti ngatuen dagiti abaga na?—sinaludsod daydi sangsangpet, a intuduna ti maysa a lalaki a pagkutikutienna ti ulo na iti natangsit.
Ngem ni Tadeo saan a sumungbat, yunnatna ti tengnged na a kumita ken Paulita Gomez a kinuyog ti maysa a gayyem na, ni dunia Victorina ken ni Juanito Pelaez. Toy inda rinegaluan iti maysa a palko ket ti kubbo na adadda man a limmalon.
Agdadateng ket agdadateng dagiti ado a luglugan, sumangpet met dagiti artista, sumbrekda iti sabali a ruangan ket sarunuen ida dagiti gagayyem ken mangidaydayaw kadakuada.
Ni Paulita nakastreken ket ni Tadeo intuluyna:
—Dagita babbalasang ita a naglugan iti lando (maysa a kita ti lugan), isuda dagiti kakaanakan ni baknang a kapitan D.; makitam ti kinalapsat ken kinasalun-at da? Iti uneg ti sumagmamano a tawtawen, matay wenno agmauyungdanton. . . Ni Kapitan D. madi a makiasawada, ket ti kinaattit ni uliteg da madlaw kadakuadan . . . Ni dayta iso ni balasang E, ti nabaknang unay a nagtawid iti ado, pagin-innagawan ti lubong ken dagiti konkonbento. . . lAgtalnaka! lam-amok ni dayta! jiso ni Padre Irene, a manglimlimo, binaliwanna ti langa na, nagiming iti inpegket! IDayta agong na ti pakailasinak! Ket iso, a kasta unay a isusupiat na idi!. . .
Daydi sangsangpet kumita a kasta unay pannakariri na ket makitana nga agpukaw ti maysa a tao a nakalebita iti nasayaat ti tabas na iti likudan ti maysa a gunglo dagiti bab bai.
