206
Da Makaraig ken Pekson inpasnekda ti agbuya ket inyun-unada ti immisemen. Ni Isagani, sabali ti kinita na, iti bain na gapo iti itatabuno ni Paulita kadagiti kakasdi a mabuybuya, ket panpanunutenna no rebbengna a kariten a kakabil ni Juanito Pelaez iti sumuno nga aldaw.
Ngem dagidi babbaro nagbanbannugda la a nagururay. Rimuar ni Serpolette, inaysa a babai a nakaliblibnos; adda met uklop (gorra) na a kapas makagargari ket kasla kumarit iti inna kakabil;
saludsudenna kadagiti tatarabitab, nagbannikes ket ti garawna, garaw ti makikabil. Adda maysa a lalaki a nagsipat, ket nagsipat met amin dagiti nagbutaka. Ni Serpolette, a dina ket binay-an ti garaw na a garaw ti naimbag a babai, kinitana daydi irnmuna a nagsipat ket inna sinupapakan iti maysa nga isem, a inparangna dagiti babassit a ngipngipenna a kas da bassit a ukkor a perlas iti uneg ti maysa nga estuche a tersiopelo a nalabbasit. Ni Tadeo sinurutna da giti matmata ni Serpolette, ket nakitana ti maysa a baknang a nagiming iti padekket ket ti agongna napalalo nagatiddag.
—!Anian aya! jlrenilio!,—kinunana.
—Wen,—insungbat ni Sandoval;—nakitak idiay uneg a makisarsarita kadagiti aktris.
Pudno, iso daydi ni Padre Irene a di ket sabali. Gapo iti napalalo nga ayat na iti musika, ta istay la agmauyong, sa pay nalaing iti sao ti pranses, inbaon ni Padre Salvi iti pagbuyaan a kas maysa a polisia sekreta ti Simbaan, kasta ti ibagbaga na kadagiti makabigbig kenkuana. Ket, kas nalaing a kritiko a saan a mapnek a mangkita iti maipabuya manipod iti adayo, kinayatna nga inamiris dagiti artista iti asideg; nakilaok kadagiti agar-arem ken naangker, simbrek iti pagaruatan dagiti artista, iso a pagsusutsutan ken pagsasawanda iti sao ti pranses a dakes, daytay kunada a pranses ti tiendaan, pagsasao a maawatan a naimbag ti babai nga aglaklako, no ti gumatang kasla sisasagana nga agbayad iti nangina.
Ni Serpolette linawlaw ti dua a nataer a opisial, maysa a marinero ken maysa nga abogado idi ta inna nakita nga agpagnapagna ken mangitamtammidaw iti amin a di maganano iti murdong ti atiddag nga agong na, a kasla ket no itay inna tukuden dagiti palpalimed ti pagbuyaan.
Ni Serpolette insardengna ti panagsao na, pinagkuribetbetna dagiti kidkiday na, inngatuna ida, biningngina dagiti
