- 209
nakiasawa na iti daydi bumaro inton matay ni don Tiburcio. !Ni Juanito ammuna ti sao ti pranses ket ni De Espadania saan! Ket inrugina a kinaltikaltitanen. Ngem ni Juanito saan na a nadlaw daydi a panagbalbaliw, a ta sipapasnek a mangpalpaliiw iti maysa nga agtagtagilako a katalan a nakiabay iti konsul ti Suiza: ni Juanito, ta nangngegna ida a dua nga agsasao iti sao ti pranses, sipsiputanna dagiti ruprupa da ket iso ti pamatangan na iti inna salawasawen.
Nagsasaganad dagiti naipabpabuya, aduda dagiti nasukatsukat a rimrimuar, bulbullagaw kada nakakatkatawa, kas ti bailli ken ni Grenicheux, natakneng ken naayat a kas ti Marques, ken ni Germaine; dagiti agbuybuya kinatawaanda iti kasta unay ti timam ni Gaspard a nairanta ken takrot a Grenicheux ket ti nadeggang a Bailli ti nagdissuanna, kasta met a kinatawaanda ti peluka ni daytoy a pimpimlatok, ti kibor ken ti riri idi nagtinnag ti telon.
—?Ket ti kankan?—sinaludsod ni Tadeo.
Ngem ti telon naigiddato a naingato ket naipabuya ti paglakuan kadagiti tagtagabo, nga adda tallo a tedteddekna a naputiputan kadagiti parparaypay a nakaikabilan da giti pakpakdaar a servantes, cochers ken domestiques. Ni Juanito saanna a pinakawan daydi a kanito ket iti napigsa a timek tapno mangngeg ni Paulita, ket mapnekanna ti adda nga ammo na, kinunana ken dunia Victorina.
—Servantes kayatna a sawen, sirvientes, babaunen; domestiques dagiti napaaino. . .
—?Ket ania ti paggidiatan dagiti servantes ken dagiti domestiques?—sinaludsod ni Paulita.
Ni Juanito saan a nagamanga.
—Domestiques isuda dagiti napaamon; dikay napaliiw a dagiti dadduma kas da pay la aggargaraw nga atap? Isuda dagita dagiti servantes.
—jPudno!—innayon ni dunia Victorina;—dagitay dad duma, dakes unay dagiti gargaraw da. . . ket siak, a inpapanko a sadi Europa nalinis da amin ket. . . ngem, gapo ta sadi Pransia ti pakaaramidan na. . . !makitakon!
—!Sst, sst!
Ngem ti nagdanaganen ni Juanito iso idi dimteng ti kanito ti panaglako ket naikkat dagiti naikabil a bangba ngen, dagiti babaunen a maupaan napanda iti abay ti pakdaar a mangipatuldo iti pagyanan da. Dagiti babaunen, maysa a sangapulo wenno sangapulo ket dua a nagubsang ti panagruprupa da, nakaaruatda iti librea ket nagiggemda iti
