- 213
—Ket dakayo, ta dumadaniwkayo, adipen dagiti sasao nga agdadanggay ken marukudrukod, anak dagiti Musa, — intuloy ni Sandoval a pinaggarawna iti nakatartaraki ti imana, a kasla itay inna linugayan dagidi Siam nga Agkakabsat, —maawatanyo, matukudyo a panunuten a ti maysa a pagsasao a nagulib ket saan unay a nasayaat ti aweng na, a kas ti pranses, mabalinna ti mamaltuad iti dumadaniw a nalaing, kas kada Garcilaso, Herrera Espronced, ken Calderon?
—Nupay kasta,—insungbat ni Pekson, — ni Victor Hu go...
—Ni Victor Hugo, gayyem Pekson, ni Victor Hugo, no dumadaniw, utang na iti Espania . . . ta nalpas a napalutputen, saan a pagduaduaanen, ket uray pay dagiti pranses, a kasta unay nga apal da iti Espania, annugutenda a ni Vic tor Hugo, no maysa a talugading, no dumadaniw, agsipod ta idi ubing pay, nagyan sadi Madrid, sadiay ti ininumanna ka dagiti immuna a laglagip na, sadiay ti nakabuklan ti utekna, sadiay ti dinaklan ti isip na, sadiay ti nakadamilian ti puso na ket sadiay ti tinaudan dagiti kasasayaatan a pinartuat ti ulo na. Nupay kasta, asino kad met ni Victor Hugo? Mabalin a idilig kadi aya kadagiti babbaro a . . .
Ngem ti isasangpet ni Makaraig, a tignay na ti naliday ken siisem iti napait, ginupedna ti sao na. Ni Makaraig adda igiggamanna a maysa a papel a intedna ken Sandoval, nga awan ket sinauna uray maysa.
Ni Sandoval inna binasa:
"Kalapatik: Naladaw a simmangpet ti surat mo; naidatagkon ti diktamen ko ket naannamungan. Nupay kasta, a kas la itay napadtuak ti nakem mo, inkalikagumko ti kas tarigagayan dagiti an-anakem.
Innakto iti pagbuyaan ket urayenkanto no panagruruar.
Toy naayat a kalapatim,
- CUSTODINING.”
—Nagimbag ket a taon!—kinuna ni Tadeo a sieesnek.
—Ket, ania?—kinuna ni Sandoval,—awan makitak a dakes, nasayaat ket di!
—Wen,—insungbat ni Makaraig, a immisem iti napait;
—naibanag iti nasayaat! Kalkalpasko a nakasao ni Padre Irene!
—Ket ania ti kuna ni Padre Irene?—sinaludsod ni Pekson.
