Ni Simoun, pudno a saan a napan iti pagbuyaan.
Iti pay maikapito nga liras iti rabii, immulugen iti balay na, a di makaidna, naliday; dagiti ubbing na nakitada a simbrek iti namindua daras a kinuyog dagiti sabsabali a tattao; iti maikawalo, ni Makaraig nakitana nga agpagnapagna iti lansangan ti Ospital, iti asideg ti konbento ti Santa Clara, idi ta madama nga agpatpatit iti patit ti natay dagiti kamkampana ti simbaan; iti maikasiam, nakita manen ni Kamaronkosido iti asideg ti pagbuyaan a nakisasao iti maysa a kasla agad-adal, simbrek iti ruangan, sa rimuar, ket nagpukaw iti yan dagiti kaykayo.
—?J Ket, ania kaniak?---- inulit a kinuna ni Kamaronkosi do;— ?ania ti maal-alak a mangibagbaga iti Ili?
Ni Basilio, kas kinuna ni Makaraig, saan met a napan nagbuya. Daydi nakakaasi nga agad-adal nanipod idi naggapo said San Diego a napan nanubbot ken Juli, nga as-asawaen na, iti inna pannakatagabo, sinublianna dagiti pagpagbasaan na; no saan nga adda iti Ospital, adda nga agad-adal wenno adda a mangbanbantay ken Kapitan Tiago, a ti sakitna kayatna nga agasan.
Ti masakit nagbalin a di maanusanen ti kababalin na; no makapungtot, no mariknana a marigatan gapo iti kabassit ti susupenna nga apian, ta ni Basilio ikagkaguinaanna nga ikabkabassit, inna iriyan, pagsasawan, kabilen; ni Basilio lakamenna a siaanos, ta ammuna a naimbag ti aramid na iti nagutangan na iti ado, ket isuna la a tumuluken, no awan pamuspusan nan; no mabenbenan daydi dakes a gartemen, ti uleg ni dakes, iso di sumayaat ti ulo ni Kapitan Tiago, sumainnek, kunkunana nga iso ti anakna, agsangsangit, ta inalagipna ti panangtartaripato kenkuana ti bumaro, ti nasayaat a panangtarawidwid na kadagiti kukkukua na, ket kunkunana nga iso ti inna pagtawiden; ni Basilio umisem iti napait ket panpanunutenna a ditoy a biag, ti yaannugot iti dakes magunggunaan a nalalaing ngem ti panagtungpal iti annong. Namin-ado a simmiplot kenkuana ti inna pa-
